Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

 THENGE MIR 5

Pii ma Dit m’u Umo Ng’om​—Jukani ma Giwinjo? Jukani ma Giwinjo Ngo kee?

Pii ma Dit m’u Umo Ng’om​—Jukani ma Giwinjo? Jukani ma Giwinjo Ngo kee?

Dhanu dupa ma gikwo i rundi pa Noa gibed gitimo lembe ma reco. Thangambere 6:5

Adamu giku Eva ginyolo awiya, e dhanu ugam unyai iwi ng’om. Yokung’eye, jumalaika moko gidiko cing’gi ku Jok, e gijai ni Mungu.

Gibino i ng’om man gironyo kum mi dhanu, e gigamu igi mon. Gigam ginyolo awiya ma jurukara, ma cwinygi reco.

Ng’om ugam upong’ ku jutimrac. Biblia ubeyero kumae: ‘Dubo ubino dit i ng’om, man porolembe mi pidoic mir Adundegi ubino rac kwa thiri thiri.’

 Noa uwinjo Mungu, man egiero Avur. Thangambere 6:13, 14, 18, 19, 22

Noa ubino ng’atu m’atira. Yehova ugam uyero ire nia ebinyotho jutimrac ceke ku pii ma dit ma biumo ng’om.

Mungu uyero kendo ni Noa nia egier meli ma dit ma julwong’o Avur, man eyero nia eroi juruot pare ku kwond lei ceke i ie.

Noa utwong’o dhanu pi bino pa pii ma dit ma biumo ng’om, ento dhanu giwinjo ungo. Jumoko ubed ucaye, jukurucel ke udage.

Ing’ei giero Avur, Noa ugam uroyo lei ceke i ie.