Nen video ma nwang'ere

Jumulembe pa Yehova

Ng'ii Dhok Alur

Ng’a dhe m’ubebimo wi ng’om?

Ng’a dhe m’ubebimo wi ng’om?

Nyo, ibeparu nia etie . . .

  • Mungu?

  • dhanu?

  • kunoke ng’atu mange?

 KENEN GIN MA BIBLIA YERO E

“Ng’om ngung’ uvuto i [kunoke ubebimere ku] ng’atu marac.”1 Yohana 5:19.

“Wod Mungu nyuthre [kunoke ubino], kara enyoth tic pa wonabali.”1 Yohana 3:8, The Holy Bible in Alur.

BERO MA ICOPO NWANG’U KAN IYIYO LEMBE MAENI

Ibinyang’ cu pi thelembe mi peko m’unyai iwi ng’om.Lembanyutha 12:12.

Ibibedo ku thelembe mandha mi yiyo nia ng’ombuni bidoko maber.1 Yohana 2:17.

 NYO, WACOPO NIYIYO GIN MA BIBLIA YERO ENO?

Eyo, wacopo yiyo nia ng’ombuni bidoko maber pi thelembe moko adek ma e:

  • Judaru pokolembe iwi bimobim pa Jok. Yehova udaru ni maku yub pi ni daru bimobim pa Jok magwei kud iwi ng’om. Eng’olo ni “thiro . . . wonabali,” man ni daru lembe ma reco ceke ma Jok unyayu.Juebrania 2:14.

  • Mungu udaru ng’iyo Yesu Kristo nibedo jabim mi ng’om. Yesu tie tung’ magwei ku Jok. Jok ene jabim ma kwiny lee man ma dieng’ pire gire. Ento pi bimobim pa Yesu, Mungu ung’olo kumae: “Ngisi binege kum ng’atu ma adhura [kunoke ma jucayu] man jucanpiny. Ebiwaru ng’eyong’ec migi ni dim [kunoke adici] ku rop.”Zaburi 72:13, 14.

  • Mungu copo cwayu ndra ki ngo. Biblia yero ngbeng’ kumae: ‘Cwayu ndra copere ngo ni Mungu.’ (Juebrania 6:18) Ka Yehova ung’olo ni timo gin moko, nang’u ve edaru timo lembene! (Isaya 55:10, 11) “Jubibayu jadit mi ng’ombuni woko.”Yohana 12:31.

 ICOPO NI PENJIRI KUMAE

Ing’ei kabu bimobim pa Jok, ng’om bigam doko nenedi?

Biblia udwoko wang’ penji eno i ZABURI 37:10, 11 man LEMBANYUTHA 21:3, 4.