Nen video ma nwang'ere

Jumulembe pa Yehova

Ng'ii Dhok Alur

Nen peri tie ang’o iwi kwo mi nindo m’ubino?

Nen peri tie ang’o iwi kwo mi nindo m’ubino?

Nyo, ibeparu nia kwo mwa e . . .

  • ebibedo kite m’etie kudo kawono?

  • ebidoko rac magwei?

  • ebidoko beri?

 KENEN GIN MA BIBLIA YERO E

“Mungu . . . biyweyo piwang’ pet kud i wang’gi, man tho bibedo nuti kendo ngo, kadok can kadi ywak kadok remokum de bibedo nuti kendo ngo: gin ma kwong’a daru kadhu.”​—Lembanyutha 21:3, 4, The Holy Bible in Alur.

BERO MA ICOPO NWANG’U KAN IYIYO LEMBE MAENI

Ibibedo ku tic maber dit akeca man ma pong’o yeny peri.​—Isaya 65:21-23.

Ibiremo ngo man can moko ci ma ibinwang’u bibedo umbe.​—Isaya 25:8; 33:24.

Ibibedo ku kwo mir anyong’a man ma rondo ku rondo karacelo ku juruot peri man ku jurimbi.​—Zaburi 37:11, 29.

 NYO, WACOPO YIYO LEMBANG’OLA MAENO MI BIBLIA?

Eyo, pi thelembe moko ario ma e:

  • Mungu tie ku copo mi pong’o lembang’ola pare. I Biblia, Yehova kende ma julwong’e “jategokpo,” kum etie ku tego ma kajik ne mbe. (Lembanyutha 15:3) Pieno, etie ku copo andha mi pong’o lembang’ola pare mi ketho kwo ubin ubed maber iwi ng’om. Calu ma Biblia yero, ‘gin ceke copere ku Mungu.’​—Matayo 19:26.

  • Mungu tie kud ava mi pong’o lembang’ola pare. Ku lapor, Yehova tie ku maru lee mi cero jum’utho.​—Yob 14:14, 15.

    Biblia unyutho bende nia Yesu, ma wod Mungu, ukeyo kum jurutwoyo. Pirang’o ekeyo kumgi? Kum eyenyo. (Marko 1:40, 41) Calu won, Yesu de ubedo kud ava mi konyo ju m’utie ku yeny.​—Yohana 5:19.

    Pieno, wacopo bedo m’umbe jiji nia Yehova giku Yesu gimito ni konyowa kara wabin wabed kud anyong’a i kwo mwa mi nindo m’ubino!​—Zaburi 72:12-14; 145:16; 2 Petro 3:9.

 ICOPO NI PENJIRI KUMAE

Mungu biloko ng’om mwa e udok ma leng’ nenedi?

Biblia udwoko wang’ penji eno i MATAYO 6:9, 10 man DANIEL 2:44.