Nen video ma nwang'ere

Jumulembe pa Yehova

Ng'ii Dhok Alur

Nen peri tie ang’o iwi Biblia?

Nen peri tie ang’o iwi Biblia?

Nyo, ibeparu nia etie . . .

  • buku mi rieko pa dhanu?

  • buku mi lemb’atada mi ndra?

  • lembe pa Mungu?

 KENEN GIN MA BIBLIA YERO E

“Lembagora ceke Mungu yuyo i wie en.”2 Timoteo 3:16, The Holy Bible in Alur.

BERO MA ICOPO NWANG’U KAN IYIYO LEMBE MAENI

Ibinwang’u dwokowang’ adieng’a ma dongodongo mi kwo peri.Lembrieko 2:1-5.

Ibinwang’u juk mandha ma bikonyi nitelo wi kwo peri.Zaburi 119:105.

Ibibedo ku genogen mandha pir anyim peri.Jurumi 15:4.

 NYO, WACOPO NIYIYO GIN MA BIBLIA YERO ENO?

Eyo, pi thelembe moko adek ma e:

  • Lembe ceke mi Biblia urombo i kite mi zungo. Dhanu ma tung’ tung’ 40 ukiewo gin Biblia pi oro makadhu 1 600. Dupa mi kindgi gikwo ngo karacelo kadi i nindo marom. Ento re, lembe mi ie ceke urombo iwi wec mir ukungu acel!

  • Biblia nyutho lembe ngbeng’ ngbeng’ m’umbe ni kanu. Wang’ ma pol, jutad lembe mi ng’om maeni, gibed giumo wang’ aloci ma juloyo kudo dhanu migi i lwiny. Enke, jugor Biblia gikoro pi ng’ ico migi gigi ku mi thek migi bende.2 Lemkei 36:15, 16; Zaburi 51:1-4.

  • Lembila mi Biblia timere kakare kakare. Biblia ular uyero pi nyoth mi Babeli macon oro 200 i wang’ e. (Isaya 13:17-22) Enyutho kite ma Babeli eno bipodho kudo man nying’ jatel wi aloci ne bende!Isaya 45:1-3.

    Lembila mange de dupa mi Biblia upong’o kakare kakare. Lembe nini copo zungo iwa ngo, kum Biblia ene lembe pa Mungu.2 Petro 1:21.

 ICOPO NI PENJIRI KUMAE

Lembe pa Mungu copo yiko kwo para nenedi?

Biblia udwoko wang’ penji eno i ISAYA 48:17, 18 man 2 TIMOTEO 3:16, 17.