Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

 2

Niweco i ayi m’ibed iweco ko nja

Niweco i ayi m’ibed iweco ko nja

2 Jukorinto 2:17

LEMBE M’ICOPO TIMO: Yer lembe m’uai kud i adundeni, man yere i ayi m’ibed iweco ko nja.

KITE M’ICOPO TIMO KO:

  • Lar irwo man iyikiri mii. Kwai Yehova ukonyi kud idieng’ akeca iwi kite m’ibiwok nen ko i wang’ dhanu, ento idieng’ pi gin m’ibeciponjo. Keth wii i kum lembe ma pire tek m’ibemito juwinj gigwok i paru migi. Pieno, kud isom piny ma jukiewo iwi karatasi asoma, ento kor lembe ve ibeweco aweca.

  • Yer lembe m’uai i adundeni. Lar ipar cuu nia pirang’o dhanu gitie ku yeny mi winjo lembe m’ibeciponjo. Dieng’ pi dhanu. Eno biketho kite m’icungo ko, ayi jeste m’ibetimo kunoke kite m’ibetimo ko weng’i, binyutho nia imaru dhanu man itie kud ava mi ponjogi.

  • Nen bang’ juwinj peri. Woth beneno wang’ juwinj peri. Kan ibemio korolembe, woth bebolo weng’i nineno dhanu tak tak, kakare nibeneno bang’ dhanu moko kende.