Nen video ma nwang'ere

Jumulembe pa Yehova

Ng'ii Dhok Alur

Nyo Masendi Bithum Nindo Moko Dee?

Nyo Masendi Bithum Nindo Moko Dee?

Nyo, ibeparu nia . . .

  • eyo?

  • ungo?

  • saa moko?

 KENEN GIN MA BIBLIA YERO E:

“Mungu biyweyo piwang’ pet kud i wang’gi; man tho bibedo nuti kendo ngo; kadok can, kadi ywak, kadok remokum de bibedo nuti kendo ngo.”—Lembanyutha 21:3, 4, The Holy Bible in Alur.

BERO MA ICOPO NWANG’U KAN IYIYO LEMBE MAENI

Ibing’eyo m’umbe piem nia peko ma wanwang’u e uai ungo i bang’ Mungu.—Yakobo 1:13.

Ibijukiri ni ng’eyo nia can nego adunde Mungu de kan eneno masendi mwa.—Zekaria 2:8.

Ibibedo ku genogen ma nia masendi ceke bibino ni thum.—Zaburi 37:9-11.

 NYO, WACOPO NIYIYO GIN MA BIBLIA YERO ENO?

Eyo, pi thelembe moko ario ma e:

  • Mungu dagu nyayu can ikum ng’atini man sendo ng’atini mananu. Kepim ni paru kite ma Yehova Mungu uwinjere kinde ma jubino sendo ku rac dhanu pare yang’con. Biblia yero nia kisa nego Yehova kum “cur migi magicur ko kum jum’usendogi, m’ung’abu cwinygi de.”—Jupoklembe 2:8, The holy Bible in Alur.

    Mungu dagu ju m’usendo juwadgi. Ku lapor, Biblia yero nia Mungu dagu “cing ma cwiro rimo ma lembe mbe [kunoke mi mananu].”—Lembrieko 6:16, 17.

  • Mungu dieng’ pi ng’atuman i kindwa. Ng’atuman acel acel mi kindwa ung’eyo litho pare ku can pare en gire, ento re Yehova de ng’eyo.—2 Lemkei 6:29, 30.

    Ceng’ni eni, Yehova bidaru masendi pa ng’atuman ceke nikadhu kud i Ker pare. (Matayo 6:9, 10) Enke iwang’ lembe maeno, ebejuko ku mer jum’ubeyenye kud adundegi ceke.—Tic mi Jukwenda 17:27; 2 Jukorinto 1:3, 4.

 ICOPO NI PENJIRI KUMAE

Pirang’o Mungu uweko kaka ni masendi i kum dhanu?

Biblia udwoko wang’ penji eno i JURUMI 5:12 man 2 PETRO 3:9.