Nen video ma nwang'ere

Jumulembe pa Yehova

Ng'ii Dhok Alur

Ang’o ma copo ketho kwo mi juruot peri ubed ku mutoro?

Ang’o ma copo ketho kwo mi juruot peri ubed ku mutoro?

Nyo, ibeparu nia tie . . .

  • mer?

  • sente?

  • gin mange?

 KENEN GIN MA BIBLIA YERO E

“Jumugisa [kunoke jumutoro] tie jum’uwinjo lembe pa Mungu, m’uwore de!”Luka 11:28, The Holy Bible in Alur.

BERO MA ICOPO NWANG’U KAN IYIYO LEMBE MAENI

Juruot peri bibedo ku mer mandha i kindgi.Juefeso 5:28, 29.

Juruot peri bibedo ku woro mandha i kindgi.Juefeso 5:33.

Juruot peri bibedo ku pidoic mi geniri i kindgi.Marko 10:6-9.

 NYO, WACOPO NIYIYO GIN MA BIBLIA YERO ENO?

Eyo, pi thelembe moko ario ma e:

  • Mungu tie Jacak the kwo mi Juruot. Biblia yero nia kubang’ juruot man, unwang’u nying’ ni kum Yehova Mungu. (Juefeso 3:14, 15) Niwacu, Yehova re ma ucwio dikiri mi juruot. Pirang’o etie lembe ma pire tek ni nyang’ i kum lembuno?

    Ku lapor, kan idaru camu cam moko ma mit m’unyeng’i, ma imaru ing’ei zubezube ma jutede kudo, icopo penjo ng’a? M’umbe piem, icopo penjo ng’atu m’utede.

    Kumeno bende, ka wamaru ning’eyo lembe m’umaku watim kara kwo mi juruot mwa ubed ku mutoro, eber nia wapenj Yehova, ma ene jacak the kwo mi juruot.Thangambere 2:18-24.

  • Mungu dieng’ piri. Etie lembe mi rieko nia ng’atuman mi ot ulub juk ma Yehova bemio ni kadhu kud i Biblia ma lembe pare. Pirang’o? “Kum ie bepido piwu [kunoke ebedieng’ piwu].” (1 Petro 5:6, 7) Yehova bemito kwo peri ubed maleng’ dit akeca. Poi bende nia tio ku juk pare kelo adwogi maleng’ kwa!Lembrieko 3:5, 6; Isaya 48:17, 18.

 ICOPO NI PENJIRI KUMAE

Acopo timo ang’o kara abed ni won ot maber, min ot maber kunoke janyodo maberi?

Biblia udwoko wang’ penji eno i JUEFESO 5:1, 2 man JUKOLOSAI 3:18-21.