Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

 PONJI MIR 14

Pirang’o Mungu Tie ku Dilo Pare?

Pirang’o Mungu Tie ku Dilo Pare?

1. Pirang’o con Mungu ugam udiko juisrael i dilo acel?

Con, Mungu ugam ucoko dhu nyikwai Abrahamu i dilo acel, niwacu thek acel, man emio igi cik. Elwong’o thek maeno “Israel” man emio ire rwom mi bedo jagwok thier pare mandha man jagwok lembe pare. (Zaburi 147:19, 20) Pieno, nikum thek mi Israel kende re ma dhanu mi thek mange ceke gibedo ku copo mi nwang’u mugisa.Som Thangambere 22:18.

Mungu ng’io nyitindo mir Israel kara gibed jumulembe pare. Lembatada mi kwo migi nyutho kamaleng’ kite ma ginwang’u kudo mugisa kinde ma gibed giworo cik pa Mungu. (Poi mi Cik 4:6) Pieno, nikum nyithindho mir Israel re, ma dhanu mange gibedo ku kakare mi ng’eyo Mungu mandha.Som Isaya 43:10, 12.

2. Pirang’o Jukristo mandha gitie i dilo acel?

Ing’ei nindo, Mungu ugam ukwero thek mir Israel, pieno Yehova wilogi ku cokri mi jukristo. (Matayo 21:43; 23:37, 38) Tin, kaka juisrael, Jumulembe pa Yehova re m’ubetimo ire ni Jukristo mandha.Som Tic mi Jukwenda 15:14, 17.

Yesu coko dhu julubne man eorogi gicidh girwei man giketh dhanu mi thek ceke udok julub. (Matayo 10:7, 11; 24:14; 28:19, 20) Tic maeno ubetundo i ajikine nikum wabekwo i thum mi kitlembe ma kawono. Etie wang’ ma kwong’a nineno Yehova udiko milioni dupa mi dhanu ma niai kud i thek ceke gibed i thier acel mandha calu m’ubetimere kawono. (Lembanyutha 7:9, 10) Jukristo mandha gitie i dilo acel pi niketho cwinygi man nikonyiri i kindgi. I ng’om zoo, gitie kud anyong’a nilubo yub kunoke program acel mi ponji mi Biblia i coko migi ma tung’tung’.Som Juebrania 10:24, 25.

 3. Dilo mi Jumulembe pa Yehova mi rundi mwa maeni ucaku nenedi?

Dilo mi Jumulembe pa Yehova mi rundi mwa maeni ucaku i oro 1870 ku withe. Saa maeca, gibino wel dhanu ma nyanok ma jubed julwong’o Juponj Biblia. Gicaku nisayu man ninwang’u lembe mandha kunoke ponji mi Biblia ma nang’u jukanu niai con. Ginwang’u nia kara Yesu ugam upangu cokri mi jukristo i dilo acel pi nirweyo lembanyong’a. Pieno gicaku ni yawu man nirweyo pi ker i ng’om zoo. I oro 1931, gimaku nying mi Jumulembe pa Yehova.Som Tic mi Jukwenda 1:8; 2:1, 4; 5:42.

4. Dilo mi Jumulembe pa Yehova ubewotho nenedi?

Irundi mi jukwenda, cokri ma tung’tung’ mi jukristo i ng’om dupa ubed unwang’u kony niai kud i guriri acel m’utelo wic, ma Guriri ne ke ugam ung’eyo nia Yesu re m’utie wic mi cokri. (Tic mi Jukwenda 16:4, 5) Tin bende, Jumulembe pa Yehova mi ng’om zoo gicikunwang’u kony kunoke telowic niai kud i guriri m’utelowic, m’utie ku judong’cokri ma wang’gi woi i lembe. Guriri maeno neno wi biro ma tung’tung’ mi biro mi filial mi jumulembe pa Yehova; biro mi filial ke cungo iwi tic m’uneno loko ponji mi Biblia i dhok mange, wodhe iwi karatasi, man poko jemni (publications) ne i dhok ma tung’tung’ ma kadhu 600. Kumeno re ma Guriri m’utelowic mio cam mi tipo ni cokri ma kadhu 100 000 i ng’om zoo. I cokri man, umego ma giromo kakare gitimo tic calu judong’cokri kunoke juliew. Umego maeno, gineno wi udul pa Mungu ku mer.Som 1 Petro 5:2, 3.

Jumulembe pa Yehova ceke gitie i dilo acel pi nirweyo lembanyong’a man niketho dhanu udok julub. Calu jukwenda, wan de warweyo ot ku bang’ ot. (Tic mi Jukwenda 20:20) Watie bende ayika pi niponjo Biblia ku dhanu m’umaru lembe mandha mi Biblia. Ento Jumulembe pa Yehova tie ngo kendekende dilo. Watie bende umego ku nyimego ma ng’atuman dieng’ pi wadi. (2 Jutesaloniki 1:3) Calu gitie i dilo acel pi ni nyayu anyong’a i Mungu man nikonyiri i kindgi, dhanu pa Yehova tie juruot m’utie kud anyong’a m’ukadhu zoo i ng’om.Som Zaburi 33:12; Tic mi Jukwenda 20:35.