Magdiretso sa content

Magdiretso sa secondary menu

Magdiretso sa table of contents

Mga Saksi ni Jehova

Inakeanon

Mayad Nga Balita Halin sa Dyos!

 Leksyon 14

Ham-an Gin-organisa ku Dyos ro Anang Katawhan?

Ham-an Gin-organisa ku Dyos ro Anang Katawhan?

1. Ham-an gin-organisa ku Dyos ro Israel kato?

Gin-organisa ku Dyos ro mga inapo ni patriarka Abraham nga mangin isaeang ka nasyon ag gintaw-an sanda it mga kasugoan. Gintawag na ro nasyon nga “Israel” ag gintaw-an sanda it responsabilidad nga protektahan ro matuod nga pagsimba ag ro anang bisaea. (Salmo 147:19, 20) Paagi sa Israel, pakamaayuhon ro tanan nga nasyon.Basaha ro Genesis 22:18.

Ginpili ku Dyos ro mga Israelita nga mangin anang mga saksi. Ro andang kasaysayan nagapakita kon paano nakabenepisyo ro mga tawo nga gatuman sa kasugoan ku Dyos. (Deuteronomio 4:6) Kon tun-an ro kasaysayan it mga Israelita, makilaea it mga tawo ro Dyos.Basaha ro Isaias 43:10, 12.

2. Ham-an gin-organisa ro matuod nga mga Kristyano?

Ku ulihi, naduea it Israel ro kahamuot ku Dyos, ag gin-islan ra ni Jehova it Kristyanong kongregasyon. (Mateo 21:43; 23:37, 38) Makaron, ro matuod nga mga Kristyano ro nangin mga saksi ni Jehova.Basaha ro Binuhatan 15:14, 17.

Gin-organisa ni Jesus ro anang mga sumueonod agod magwali ag maghimo it disipulo sa tanan nga nasyon. (Mateo 10:7, 11; 24:14; 28:19, 20) Maeapit eon matapos rayang hilikuton, sa katapusan it rayang sistema it mga butang. Makaron minilyon eon halin sa tanan nga nasyon ro ginatipon ni Jehova sa matuod nga pagsimba. (Pahayag 7:9, 10) Gin-organisa man ro matuod nga mga Kristyano agod pabakuron ag buligan ro kada isaea. Sa bilog nga kalibutan, sambilog eang ro andang programa it pagturo halin sa Biblia.Basaha ro Hebreo 10:24, 25.

 3. Paano nag-umpisa ro organisasyon it mga Saksi ni Jehova sa panahon naton?

Ku dekada 1870, nadiskubrehan ku maisot nga grupo it mga estudyante sa Biblia ro naduea nga kamatuoran. Nasayran nanda nga gin-organisa ni Jesus ro Kristyanong kongregasyon agod magwali, ngani gin-umpisahan nanda ro pagwali it Ginharian sa bilog nga kalibutan. Ku 1931, gingamit nanda ro ngaean nga mga Saksi ni Jehova.Basaha ro Binuhatan 1:8; 2:1, 4; 5:42.

4. Paano ginaorganisa ro mga Saksi ni Jehova?

Ku unang siglo, ro mga Kristyanong kongregasyon sa abo nga mga lugar hay gindumaeahan it isaea ka grupo nga nagakilaea kay Jesus bilang Ueo it kongregasyon. (Binuhatan 16:4, 5) Makaron, nakabenepisyo man ro mga Saksi ni Jehova sa paggiya ku mga eksperyinsyado nga mga gulang it Nagadumaea nga Grupo. Ginadumaeahan nanda ro mga sanga taeatapan ku mga Saksi ni Jehova nga naga-transleyt, gaimprinta, ag nagapanagtag it base sa Biblia nga materyal sa sobra 600 ka linggwahe. Ngani, ro Nagadumaea nga Grupo hay makatao it mga instruksyon halin sa Biblia sa sobra 100,000 ka kongregasyon sa bilog nga kalibutan. Sa kada kongregasyon, may mga kwalipikado nga mga eaeaki nga nagaalagad bilang mga gulang o manugdumaea. Mapinalanggaon nanda nga ginatatap ro panong it Dyos.Basaha ro 1 Pedro 5:2, 3.

Naorganisa ro mga Saksi ni Jehova sa pagwali it mayad nga balita ag paghimo it disipulo. Pareho ku mga apostoles, nagawali kami sa mga pamaeay. (Binuhatan 20:20) Nagatanyag man kami it pagtuon sa Biblia sa mga sinsero nga gahigugma sa kamatuoran. Pero bukon eang it isaea ka organisasyon ro mga Saksi ni Jehova. Isaea kami ka pamilya nga may mapinalanggaon nga Ama. Ginapalangga namon ro kada isaea pareho it magmaeanghod. (2 Tesalonica 1:3) Tungod naorganisa ro katawhan ni Jehova agod pahamut-an imaw ag buligan ro iba, sanda ro pinakamalipayon nga pamilya sa eugta.Basaha ro 1 Pedro 2:9; Binuhatan 20:35.