Magdiretso sa content

Magdiretso sa secondary menu

Magdiretso sa table of contents

Mga Saksi ni Jehova

Inakeanon

Mayad Nga Balita Halin sa Dyos!

 Leksyon 15

Ham-an Dapat Ka Magpadayon?

Ham-an Dapat Ka Magpadayon?

1. Paano ka makabenepisyo sa padayon mo nga pagtuon it Biblia?

Sigurado gid nga rayang panguna nga mga pagturo sa Biblia nagpabakod ku imong gugma kay Jehova. Raya nga gugma hay dapat pa gid pabakuron. (1 Pedro 2:2) Ro pag-eaum mo nga kabuhi nga owa’t katapusan nakadepende kon padayon ka nga magpaeapit sa Dyos paagi sa pagtuon ku Biblia.Basaha ro Juan 17:3; Judas 21.

Kon gadugang ro imong kaaeam parti sa Dyos, gabaskog pa gid ro imong pagtuo. Makabulig ro pagtuo nga mapahamut-an mo ro Dyos. (Hebreo 11:1, 6) Pahueagon ka kara nga maghinuesoe ag mag-obra it mga pagbag-o sa imong kabuhi.Basaha ro Binuhatan 3:19.

2. Paano makabenepisyo ro iba ku imo nga kaaeam sa Dyos?

Pwede ka mangin maeapit kay Jehova

Naila kita magsugid sa iba it mayad nga balita. Ngani natural eang nga gusto mo man isugid sa iba ro imong natun-an. Sa padayon mo nga pagtuon it Biblia, matun-an mo kon paano gamiton ro Biblia sa pag-eksplikar ku imong pagtuo kay Jehova ag sa mayad nga balita.Basaha ro Roma 10:13-15.

Kaeabanan nga mga tawo hay nagaumpisa it pagsugid ku mayad nga balita sa andang mga amigo ag igbata. Mangin matinahuron. Sa baylo nga ihambae nga saea ro andang relihiyon, sugiri sanda it mga promisa ku Dyos. Dumduma man nga ro mga tawo hay mas nanamian sa imong batasan kaysa sa imong ginahambae.Basaha ro 2 Timoteo 2:24, 25.

3. Ano nga kaangtanan sa Dyos ro pwede mo mabaton?

Makabulig kimo ro pagtuon sa Bisaea ku Dyos agod mag-uswag ka sa espiritwal. Sa ulihi, mangin pinasahi gid ro imong  kaangtanan kay Jehova. Pwede ka mangin parte it anang pamilya.Basaha ro 2 Corinto 6:18.

4. Paano ka makapadayon nga mag-uswag?

Magauswag ka sa espiritwal kon padayon ka nga magtuon sa Bisaea ku Dyos. (Hebreo 5:13, 14) Pangabaya ro isaea sa mga Saksi ni Jehova nga magturo kimo gamit ro libro nga Ano Gid ang Ginatudlo Sang Biblia? Kon padayon ka magtuon sa Bisaea ku Dyos, mangin madinaeag-on gid ro imong kabuhi.Basaha ro Salmo 1:1-3; 73:27, 28.

Naghalin ro mayad nga balita kay Jehova, ro malipayon nga Dyos. Mangin maeapit ka kana kon magpaeapit ka man sa anang katawhan. (Hebreo 10:24, 25) Sa padayon mo nga pagpasadya kay Jehova, maagom mo ro matuod nga kabuhi—ro kabuhi nga owa’t katapusan. Ro pagpaeapit sa Dyos ro pinakamayad nga butang nga imo maobra.Basaha ro 1 Timoteo 1:11; 6:19.