Magdiretso sa content

Magdiretso sa secondary menu

Magdiretso sa table of contents

Mga Saksi ni Jehova

Inakeanon

Mayad Nga Balita Halin sa Dyos!

 Leksyon 3

Halin Gid Baea sa Dyos ro Mayad nga Balita?

Halin Gid Baea sa Dyos ro Mayad nga Balita?

1. Sin-o ro Awtor ku Biblia?

Una sa Biblia ro mayad nga balita nga ro mga tawo hay mabuhi it owa’t katapusan sa eugta. (Mateo 5:5) May 66 ka maisot nga mga libro ro Biblia. Gingamit it Dyos ro 40 ka matutom nga mga eaeaki sa pagsueat kara. Ro haunang lima ka mga libro hay ginsueat ni Moises mga 3,500 ka dag-on eon ro nagtaliwan. Ro katapusan nga libro hay ginsueat ni apostol Juan mga sobra 1,900 ka dag-on eon ro nagtaliwan. Anyong kaisipan ro ginsueat it mga manunueat it Biblia? Ro Dyos nagkomunikar kanda paagi sa anang baeaan nga espiritu. (2 Samuel 23:2) Ro andang ginsueat hay bukon it andang kaisipan kundi ana ku Dyos. Ngani, si Jehova ro Awtor ku Biblia.Basaha ro 2 Timoteo 3:16; 2 Pedro 1:20, 21.

2. Paano naton masiguro nga matuod ro Biblia?

Sayod naton nga ro Biblia hay halin sa Dyos tungod nagahambae ra it detalyado parte sa paeaabuton. Owa it tawo nga makaobra kara. (Josue 23:14) Ro Pinakagamhanan eang nga Dyos ro nakasayod it insakto sa paeaabuton it mga tawo.Basaha ro Tito 1:2, 3.

Tungod halin sa Dyos ro Biblia, bukon ra it ordinaryo nga libro. Binilyon nga mga kopya it Biblia ro naimprinta eon sa ginatos ka linggwahe. Bisan ro Biblia hay katu-kato pa nga libro, nahisanto ra sa syensya. Nagahilisanto man ro sinueatan ku 40 ka mga manunueat. * Isaea pa, ginasugid ku Biblia ro mabahoe nga pagpalangga it Dyos, ag  makapabag-o gid ra sa kabuhi it mga tawo. Ngani, abo ro kumbinsido nga Bisaea gid it Dyos ro Biblia.Basaha ro 1 Tesalonica 2:13.

3. Ano ro ginasugid it Biblia?

Nakapokus ro Biblia sa mayad nga balita nga ro Dyos hay may mapinalanggaon nga plano sa mga tawo. Ginasugid kara kon paano naduea it tawo ro kahigayunan nga mabuhi it dayon sa paraiso nga eugta ag kon paano ra ibalik it uman.Basaha ro Pahayag 21:4, 5.

Nakasueat man sa Bisaea ku Dyos ro mga kasugoan, prinsipyo, ag mga eaygay. Aton man nga mabasa kon paano anay nakig-angot ro Dyos sa mga tawo kato. Paagi kara, masayran naton kon ano ro personalidad it Dyos. Matun-an mo man sa Biblia kon paano mo mangin amigo ro Dyos.Basaha ro Salmo 19:7, 11; Santiago 2:23; 4:8.

4. Paano mo maeubtan ro Biblia?

Mabuligan ka it dayang brosyur nga maeubtan mo ro Biblia sa paagi nga gin-obra ni Jesus. Kon nagahambae imaw it teksto, ginaeksplikar na ra sa “pag-eubot ku mga Kasueatan.”Basaha ro Lucas 24:27, 45.

Makalilipay gid nga masayran ro mayad nga balita halin sa Dyos. Pero may mga tawo nga bukon it interesado kara. Indi ka gid magpaapekto kanda. Ro imong pag-eaum nga mabuhi it dayon hay nakadepende sa pagkilaea mo sa Dyos.Basaha ro Juan 17:3.

 

^ par. 3 Tan-awa ro brosyur nga Isa ka Libro Para sa Tanan nga Tawo.