Magdiretso sa content

Magdiretso sa secondary menu

Magdiretso sa table of contents

Mga Saksi ni Jehova

Inakeanon

Mayad Nga Balita Halin sa Dyos!

 Leksyon 10

Paano Mo Makilaea ro Matuod nga Pagsimba?

Paano Mo Makilaea ro Matuod nga Pagsimba?

1. Sambilog eang baea ro matuod nga relihiyon?

“Mag-andam kamo sa nagapakuno-kuno nga mga propeta.”—MATEO 7:15.

Sambilog gid lang ro relihiyon nga ginturo ni Jesus sa anang mga sumueonod, ro matuod nga relihiyon. Pareho ra it daean paagto sa kabuhi nga owa’t katapusan. Si Jesus naghambae: “Sangkurot gid lang ro nakakita” sa ruyon nga daean. (Mateo 7:14) Ro pagsimba eang nga base sa Biblia ro ginabaton it Dyos. Ro matuod nga mga manogsimba nahiusa sa matuod nga pagtuo.Basaha ro Juan 4:23, 24; 14:6; Efeso 4:4, 5.

2. Ano ro hambae ni Jesus sa buko’t matuod nga mga Kristyano?

“Ruyon sanda nagasugid nga nakilaea nanda ro Dyos, pero ro andang mga buhat owa nagapa- matuod kara.”—TITO 1:16.

Nagpaandam si Jesus nga patikuon it mga nagapakuno-kuno nga mga propeta ro Kristyanismo. Kon tan-awon, matsa matuod sanda nga mga manogsimba. Ginahambae nanda nga Kristyanong relihiyon sanda. Pero makilaea mo kon matuod sanda. Paano? Sa matuod eang nga pagsimba makita ro mga pamatasan ag pagkabuhi it matuod nga mga Kristyano.Basaha ro Mateo 7:13-23.

3. Paano mo makilaea ro matuod nga mga Kristyano?

Isipa rayang lima ka mga tanda:

  • Ginatahod it matuod nga Kristyano ro Biblia bilang Bisaea ku Dyos. Ginatinguhaan nanda nga sundon ro mga prinsipyo kara. Owa ginabase it matuod  nga relihiyon ro andang mga ginaturo sa ideya ku mga tawo. (Mateo 15:7-9) Ginaobra gid it mga matuod nga Kristyano ro andang ginaturo.Basaha ro Juan 17:17; 2 Timoteo 3:16, 17.

  • Ginapadunggan it matuod nga mga sumueonod ni Jesus ro ngaean it Dyos—Jehova. Ginpadunggan ni Jesus ro ngaean it Dyos paagi sa pagpakilaea kara. Ginbuligan na ro mga tawo nga makilaea ro Dyos ag gintur-an sanda nga ipangamuyo nga pakabaeaanon ro ngaean it Dyos. (Mateo 6:9) Ano nga relihiyon sa inyong lugar ro nagapakilaea sa ngaean it Dyos?Basaha ro Juan 17:26; Roma 10:13, 14.

  • Ro matuod nga Kristyano nagawali ku Ginharian it Dyos. Ginpadaea ku Dyos si Jesus agod iwali ro mayad nga balita it Ginharian. Ro Ginharian eang it Dyos ro pag-eaum it mga tawo. Ginwali ra ni Jesus hasta sa anang kamatayon. (Lucas 4:43; 8:1; 23:42, 43) Naghambae imaw nga mawali man kara ro anang mga sumueonod. Kon may mag-istorya kimo parti sa Ginharian it Dyos, ano baea ro anang relihiyon?Basaha ro Mateo 24:14.

  • Bukon it parte ku rayang maeain nga kalibutan ro mga sumueonod ni Jesus. Makilaea mo sanda tungod owa sanda naga-intra sa politika o mga sinangag. (Juan 17:16; 18:36) Owa man nanda ginatuead ro makahaealit nga mga ginaobra ag batasan it kalibutan.Basaha ro Santiago 4:4.

  • May tumaeagsahon nga pagpalangga ro matuod nga mga Kristyano sa kada isaea. Natun-an nanda sa Bisaea ku Dyos nga respetuhon ro tanan nga rasa it tawo. Eain sanda sa buko’t matuod nga relihiyon tungod owa sanda nagasuporta sa mga inaway. (Miqueas 4:1-3) Sa baylo, ginagamit nanda ro andang panahon ag pagkabutang agod magbulig ag magpalig-on sa iba.Basaha ro Juan 13:34, 35; 1 Juan 4:20.

4. Makilaea mo baea ro matuod nga relihiyon?

Ano nga relihiyon ro gaturo base sa Biblia, nagapadungog sa ngaean it Dyos, ag nagawali nga ro pag-eaum eang it mga tawo hay ro Ginharian ku Dyos? Ano nga relihiyon ro gapakita it pagpalangga ag owa gasuporta sa inaway?Basaha ro 1 Juan 3:10-12.