Vi nâ ka törhû pâr̃â nemè pèci

Vi nâ ka törhû pâr̃â nemè pèci ka tö eria

Vi nâ ka törhû pâr̃â nemè pèci e yu rö ka rhavû

Témoins i Iehova

Ajië

Nâ Pâr̃i Vami Xēvē Nâ Ke Yè Vior̃o

 VIA’PÂGÜR̃Ü 9

Waar̃ii Yè Iehova Rö Lewe Vami Xēvē

Waar̃ii Yè Iehova Rö Lewe Vami Xēvē

“Poaero na gēvē ye cē re saxai neko, ma boejë.”—Erevea 14:7

Gëvē wê a’pâgür̃ü rö brochure-a, êr̃ê, nâ tö lewe Pèci Ar̃ii nâ pâr̃â dâ pè nââbee vē. Nâ rhivèē nâ Iehova ki wii nâ vior̃o rö pwar̃a vē. Nâ vikibō, êr̃ê, nâki gëvē nââ rö èrua waar̃ii xiē, “nè ye bori naa yevē para kâa re wanii.” (Mataio 6:33) Nâ rhivèē vè kau rö dö wenenâ xiē cèki gëvē tö kaveâi xiē. Mèyè pâr̃â ketöne wânii, cèki gëvē bâ pèmör̃ö vimear̃i xēvē vèr̃i Bâō wè okâre kââ ka vikoeji vèki rha kâmö.—Mataio 22:37, 38.

 1 RHAVÈGÜR̃Ü VÈ MÖR̃Ö KWE NE NŌ VÈR̃I IEHOVA

NÂ ÊR̃Ê NÂ PÈCI AR̃II, ÊR̃Ê: “ ‘Ae go ye Pēva xēvē, ma gēvē ye para palè nya, o ma punuboè,’ na er̃e nâ Iehova.” (2 Korenito 6:18) Nâ rhivèē nâ Bâō cèki gëvē dexâ kaveâi xiē ka tö vè ubwa i-ē mi. Pwaer̃ö, wè dexâ wêye ne ke yè tövè ubwa i mi Bâō. nâ bör̃i për̃i yè vē, êr̃ê, dè “bâ pwaer̃ö” yè Iehova.” (1 Tesalonika 5:17) Nâ bör̃i târ̃i cèki töpwêr̃ê pâr̃â vitânexâi xēvē mâ pâr̃â yēyè re tö wênenâ xēvē. (Filipi 4:6) Nâki gëvē pwaer̃o vea gëvē vami xēvē, gëvē yè bör̃i tâpê, êr̃ê, nâ tö mör̃u nâ Bâō rö katö xēvē.

Dexâ bar̃ē, tëvë yè Bâō, rhaxâ rhö töpwêr̃ê-e bar̃ē nâki tëvë. Nâ pâr̃i vē nâki gëvē a’pâgür̃ü nō xiē mâ pâr̃â pèci pè nââbee mi xè Pèci Ar̃ii. (Peci Salamo 1:1, 2) Pè vâr̃â goâ vē rö i pâr̃â vi a’pâgür̃ü re. (Pèci Salamo 77:11, 12) Tânexâi bar̃ē, êr̃ê, pwêr̃ê wa Bâō wè, dè bâ vi nâ pâr̃â vikâveâi i pâ Kerisiano.—Pèci Salamo 122:1-4.

Dexâ ketöne ka vikoeji cèki gëvē tuâgür̃ü vè mör̃ö kwe ne nō vèr̃i Iehova, wè vinâ ka vivaa yè pâr̃â kâmö. Avâr̃i, êr̃ê, nâki gëvē tëvë tèyè rö xiē, gëvē yè bör̃i tâpe êr̃ê, nâ tö vè ubwa xēvē.—Mataio 28:19, 20.

NÂ PÂR̃I VĒ NÂ KE YÈ WAA:

  • Adâ rha pèmèxa vi, rè i pâr̃â nedaa wanii vèki ke yè vâr̃â Pèci Ar̃ii mâ pwaer̃ö

  • Tö pâr̃â vami xēvē, adâ mâ waa cèki tö bayê nâ wakè ne ko ar̃ii rai pâr̃â viköyö mâ vi tâ mui mwââ

2 PWAYÈR̃I VIOR̃O RÖ WAAR̃II RÖ LEWE VAMI XĒVĒ

NÂ ÊR̃Ê NÂ PÈCI AR̃II, ÊR̃Ê: “To ve uba mi i Bao na gēvē, nè ye bori to ve uba i vē na cē.” (Iakobo 4:8) Pètömâ rha dâ vèki waar̃ii rö lewe vami xēvē mâ köiwaa ē. (Genèse 18:19) Rhaxârö, ke waa ne re wè nâ da pâr̃i. Ae waa cèki tövea rö mör̃u xēvē nâ Bâō rè i pâr̃â nedaa wânii. Rhavègür̃ü pâr̃â kwe ne nō re gëvē jirè vèr̃i Bâō nâ gëvē pâr̃â vami rö i ke tëvë tâyè rö xiē “nâki gè cuè rö katö xii, mâ nâki gè vâr̃â rö wêyê, nâki gè kur̃u mâ nâki gè tömârua.” (Deutéronome 6:6, 7) Tuxâgür̃ü rö wênenâ xēvē ke waa i Josué, wè nâ êr̃ê: “Gènya mâ mwarö i nya wè gève yè mâ kâmöyar̃i i Iehova.”—Josué 24:15.

NÂ PÂR̃I VĒ NÂ KE YÈ WAA:

  • Rö dâ vèki waar̃ii rö lewe vami, pâbir̃i vi a’pâgür̃ü ka ē vèki-u duawè mâ pâr̃â pâlè-u