Gère yè a’pâgür̃ü xè i rha wi dowa ka pè orua mör̃u i kaniaa xiē. Kaniaa xiē wè Paulo Aposetolo. Gère da tâwai êr̃ê, nâ ûr̃ûwè nâ nee wi dowa re, ae gère tâwai rhö êr̃ê: nâ da bar̃a au rai ke yè waa rha kââ. Ârike! Gè bar̃i tâwai nō ne?—

Paulo wè nâ tö kar̃öpuyi rö Ierusalèm. E tuwir̃i i-ē xè i ke vivaa Iesu xiē. Pâr̃â paxa koerènō yè-è, we cer̃e vi rhîaa xiē, cer̃e bör̃i mèyè wêyè ne ke yè yovèmii i-ē. Cer̃e êr̃ê: ‘Gère yè vi nâ ka pēri yè yèvu i pâ yöda cèki cer̃e pè i Paulo nâ mwâ ne virhōr̃u. Gère yè bör̃i târi i-ē rö wêye mâ yovèmii i-ē!’

Pâmar̃a Paulo na pèrivea yè yèvù mâ Paulo kââ ka yane re

Nâ pwêr̃ê nō ka yane re cer̃e êr̃ê nâ pâmar̃a Paulo. Nè waa ye? Nâ bör̃i vi bèr̃e nâ kar̃öpuyi mâ êr̃êvea yè kaniaa xiē. Nâ bör̃i tùr̃ùwaa-e nâ Paulo nâ ka pèrivea nō re yè yèvu i pâ yöda. Jië nâ vitanexâi xii. Nâ mâmâ yè pâmar̃a Paulo nâ ke yè tëvë yè yèvu re?— Âbwa! Wè yèvu re, wè rha kâmö ka kau nâ ner̃e. Ae pâmar̃a Paulo wè rha wi dowa ka da bar̃a; nâ bör̃i vi nâ ka pea’-e.

Yèvu re wè nâ tâwai kââ re cer̃e yè waa. Nâ kâveâi pâr̃â pa paa, cer̃e 500 yöda, re yè vi ar̃a paulo nâ Césarée. Nâ dè pwa ē rö Césarée nâ Paulo?— Üü! Cer̃e da yaxèvè-è nâ pâr̃â kâmö kakoerènō re. Nâ da yēxèvè nâ vitânexâi xer̃e.

Nâ a’pâgür̃ü jië yè-i nâ nō ne wi dowa re?— Nâ pâr̃i-i bar̃ē nâ ke yè ûr̃û pâmar̃a Paulo. Gère yè da bar̃a bar̃ē nâki gère tëvë rö i Iehova yè pâr̃â kâmö. Nè yè wii nâ mör̃ö xii cèki gè dè bâ tëvë rö i Iehova?— Nâki gè pèmör̃ö-i, gè yè bör̃i mör̃u mâ pèmor̃u bar̃ē pâr̃â kâmö re pwêr̃êwaa-i.

VÂR̃Â RÖ PÈCI AR̃II XII

  • Aposetolo 23:12-24

  • Mataio 24:14; 28:18-20

  • 1 Timoteo 4:16