Vi nâ ka törhû pâr̃â nemè pèci

Vi nâ ka törhû pâr̃â nemè pèci e yu rö ka rhavû

Témoins i Iehova

Select language Ajië

 Viapagùr̃ù 5

Jië Nâ Vitânexâi i Bâō Vèki Boejë?

Jië Nâ Vitânexâi i Bâō Vèki Boejë?

1. Kiye re nâ yaxai boejë nâ Bâō?

Iehova wè nâ nââ boejë yè pâr̃â wi mâ pâr̃â bwè, cèki tö katö xer̃e. Nâ yaxai duawè re, Adamu mâ Eva, cèki cur̃u mor̃u roa boejë, ae nâ da törua nekö; nekö wè katö i pâr̃â angela. ( Job 38:4, 7) Nâ bör̃i pè kâmö ka baayê re, nâ bör̃i nââ-e rö nedövö rö Edena. (Genèse 2:14-17) Nâ bör̃i nââ yè Adamu, mâ pâr̃â mor̃u xiē mi radè-e, rha ketone mor̃u ka yè yèri lee.Vâr̃â Peci Salamo 37:29; 115:16.

Rö ka rhavu, nedövö rö Edena wè rha paradaiso. Adamu mâ Eva, cur̃u yè viēr̃i mâ pèrhârhi boejë xèi pâr̃â pâlè r̃u. Tèi pâr̃â nedaa ka yè pwami, cur̃u yè vicâwâ yè boejë mâ pè kau vèr̃i paradaiso. (Genèse 1:28) Boejë wè e yè da yovèyèri-ē, wè katö i kâmö koeyērua wavi.Vâr̃â Peci Salamo 104:5.

2. Kiye re nâ da ur̃u rha paradaiso xinâ nâ boejë?

Adamu mâ Eva wè cur̃u tar̃akoejir̃i mâyö i Iehova. Nâ bör̃i yapètù r̃u xè lewe nedövö re. Paradaiso wè nâ we bwir̃i, nâ da wii të nâ dexâ kâmö cèki pètomâ-e të. Ur̃u ke êr̃ê i Pèci Ar̃ii, êr̃ê, “boejë wè nâ we tö nexar̃axâ kâmö ka koèr̃ènō.” ( Job 9:24)Vâr̃â Genèse 3:23, 24.

Âri ke, Iehova wè nâ kâxâi virai vitânexâi xiē ka baayê re, vèki pâr̃â kâmö? Âbwa! Nâ kau au nâ ar̃inâdö xiē. Nâ yèri dexâ kââ re yè rhèwir̃i kowi xiē. (Isaïe 45:18) Nè yè waa të, vèki pâr̃â kâmö, ketone re tö vitânexâi xiē rö ka rhavu.Vâr̃â Peci Salamo 37:11, 34.

3. Ur̃uwè nâ ke yè pètomâ të ir̃i ö Paradaiso mâ?

Ö paradaiso re, e yè mâ pètomâ-e të rèi nedaa ne viwinō i Iesu, Or̃okau re nâ pètomâ-e nâ Bâō. Tö nemè pâr̃â angela, nè yè pègu pâr̃â paxa vicā yè Bâō, tèi ö vipā re e êr̃ê ne Aramagedo. Nè yè bör̃i pöi Satana mâ yēr̃ē-e ria rö nevō  katö vètù, vèki 1 000 nedö. Pâr̃â kâmö re waa rhivèē i Bâō, wè cer̃e yè mâ mor̃u orua, wè Iesu nè yè pè xer̃e mâ waatörhu r̃e. Cer̃e yè mâ mor̃u wavi rö paradaiso roa boejë.Vâr̃â Erevea 20:1-3; 21:3, 4.

4. Âni nâ lee pâr̃â boepë?

Tèi ye re nè yè waa virai, nâ Bâō, pâr̃â boepë roa boejë? Iesu wè nâ nââ dexâ “pètâbâ,” cèki pèrivea êr̃ê, nè yè we tövè ubwa nâ nedaa re. Nâ pâr̃i pâr̃â kââ re pwa xinâ rö boejë, nâ ke yè waavèyane mor̃u i kâmö: cer̃e pètâbâ êr̃ê nâ we yè pwa nâ “lee boejë.”Vâr̃â Mataio 24:3, 7-14, 21, 22.

Tèi ö 1 000 nedö, re nè yè vicâwâ yè boejë mi xèrua nekö, Iesu, wè nè yè kâvèyèri pâr̃â boepë wânii. (Isaïe 9:6, 7; 11:9) Nè yè da Or̃okau rö, ae nè Ka Nâânevâ Ka Vikoeji bar̃ē; tö i nêr̃ê re, nè yè câwâ virai yane i pâr̃â kâmö re mear̃i Bâō. Tö ökâre, Bâō wè nè yè pèyèri pèi, vibeâr̃i mâ pèime xèi Iesu.Vâr̃â Isaïe 25:8; 33:24.

5. Jae re yè mâ mor̃u rö Paradaiso ka yè pwami?

Tö pâr̃â Salles du Royaume, gēvē yè javirù gēvē pâr̃â kâmö paxa rhivèē Bâō mâ paxa apâgùr̃ù ke yè ē yè

Pâr̃â kâmö re waa rhivèē i Bâō, wè cer̃e re yè mâ mor̃u rö lewe Paradaiso. (1 Ioane 2:17) Nâ we tùr̃ùwa pâr̃â pa pâgùr̃ù xiē nâ Iesu, cèki cer̃e mèyè pâr̃â kâmö paxa pèyar̃i r̃e ria, mâ apâgùr̃ù yèr̃e, ur̃uwè nâ ke yè waa cèki cer̃e yè ē rö nemè Bâō. Xinâ, Bâō wè nâ kâvètövâ pâr̃â kâmö paxa millions, cèki cer̃e mor̃u rö paradaiso ka yè pwami roa boejë. (Tsephania 2:3) Tö pâr̃â mwâwaar̃ii i pâ Témoins i Iehova, ne nâ Salle du Royaume, e viapâgùr̃ù yè bā pâi mâ bā bwè pa öyö, mâ pa wii nâ pâlè r̃e, cèki cer̃e waa ē mor̃u xer̃e. Pēvā mâ nyânyâ, mâ pârâ pâlè r̃e wè cer̃e waaar̃ii vèrhaxâ, mâ apâgùr̃ù ke yè mor̃u ē xèi mi pâr̃â viapâgùr̃ù re tö Pèci Ar̃ii—Vâr̃â Mika 4:1-4.