Vi nâ ka törhû pâr̃â nemè pèci

Vi nâ ka törhû pâr̃â nemè pèci ka tö eria

Témoins i Iehova

Ajië

Jië Nâ Mwâcir̃i i Bâō?

Jië Nâ Mwâcir̃i i Bâō?

Gëve tânexâi, êr̃ê . . .

  • kââ ka tö wenenâ xere?

  • rha yēyèè?

  • rha gavana rörua nekö?

 NÂ ÊR̃Ê JIË NÄ PÈCI AR̃II

“Bâō xè nekö wè nè pètomâ rha mwâcir̃i ka yè da tâwai yèri.” —Daniel 2:44, Traduction du monde nouveau.“E yè nââ yève rha oyar̃i wi, nè mâ tö nemè rha gavana.” —Isaïe 9:6, Bible de Darby.

JIË NÂ VITÂNEXÂI XĒVĒ RÖ I NŌ RE

  • Nâ wii nâ rha gavana ka târi, nâ pâr̃i-ē nâ ke yè waa pâr̃â kââ ka ē vèkere xinâ.—Isaïe 48:17, 18.

  • Tö bwêjë ka dövö ka yè pwami, mör̃u ka yèri pèi mâ mör̃u ka kau nâ vior̃o rö i.—Erevea 21:3, 4.

 DÖ AVÂR̃I NÂ KE YÈ TÂNEWÈI XERE RÖ NŌ KA MI XÈ I PÈCI AR̃II?

Nâ avâr̃i, rö i kar̃u ketöne:

  • Iesu nâ pèrivea o kââ re nè yè waa nâ Mwâcir̃i i Bâō. Iesu nâ a’pâgür̃ü yè pâr̃â pa pâgür̃ü xiē ke poaer̃o mâ për̃i cèki mi nâ mwâcir̃i i Bâō mâ waa rhivèē i Bâō röa bwêjë. (Mataio 6:9, 10) Nâ bör̃i pèrivea mâ pè yēxèvè rö pâr̃â wakè xiē nâ Iesu, êr̃ê, nâ a’cëi poaer̃o nâ Iehova.

    Tèi okâre nâ tö bwêjë nâ Iesu, nâ bör̃i pèara paxa mêr̃ê, kâvèyèri pâr̃â boepë mâ nââ mör̃u të yè paxa wê me! (Mataio 15:29-38; Ioane 11:38-44) Iesu wè cē re yè orokau rö Mwâcir̃i i Bâō, nâ bör̃i pèri yère, rö rha ketöne ka yar̃i, mör̃u i pâr̃â kâmöyar̃i i Bâō rö mwâcir̃i ka yè pwami.—Erevea 11:15.

  • Pâr̃â kââ ka yane re pwaro bwêjë wè cer̃e pèyēvè avâr̃i ke tö ûbwa i Mwâcir̃i i Bâō. Nâ wê a’vènexâi nâ Iesu, êr̃ê, bayêr̃i ke yè vicâwâ mâ nââneva rö bwêjë wanii nâ Mwâcir̃i i Bâō, pâr̃â kâmö wanii we cer̃e ye boepë mâ vinenawêr̃e nâ waa xè i vipaa, mâ avèmêr̃ê mâ kangarè. —Mataio 24:3, 7.

    Nâ tövea yère xinâ nâ pâr̃â kââ ka yane re. Gère bör̃i rhiâgür̃ü rö wenenâ xere, êr̃ê, nâ we tovè ubwa, nè yè kavèyèri pâr̃â kââ re nâ Mwâcir̃i i Bâō.

 TÂNEXÂI WIR̃I

Ûr̃ûwè nâ ketöne mör̃u nâki yè vicâwâ nâ Mwâcir̃i i Bâō?

Nâ a’cëi nâ Pèci Ar̃ii pâr̃â viērēwaa re rö PÈCI SALAMO 37:29ISAÏE 65:21-23.