Vevisese ciwo yí le xexeɛ mɛ dasɛ mɔ, zanɖeɔ Mawu Fyɔɖuxu ava. Luiki 21:10, 11; 2 Timɔte 3:1-5

Bibla nu enu ciwo yí jɔjɔ le egbɛ ŋkekewo mɛ daɖɛ. Énu mɔ amɛwo alɔn eho, ɖeviwo dase ’tonu nɔ wowo jilawo o, amɛwo anyi xomɛvetɔwo yí alɔn agbeɖuɖu.

Nyigban hunhunhun ganganwo, ahwawawa, ejutotwi koɖo edɔ̀ vwinwo abɔ le afishiafi. Enu cɛwo jɔjɔ le egbɛ mɛ.

Yesu nu hɛnnɛ mɔ woadra Mawu Fyɔɖuxu ’ŋɛnywi lɔ le nyigban lɔ pleŋ ji.​—Matie 24:14.

 Mawu Fyɔɖuxu aɖe enu vwinwawawo pleŋ si. 2 Piɛ 3:13

Le azan kpwi ɖe mɛɔ, Yehowa agu amɛ baɖawo pleŋ.

Woagu Satana koɖo gbɔngbɔn vɔnwo.

Amɛ ciwo yí ɖo ’to Mawu anɔ agbe tɛgbɛɛ le Paradiso mɛ le nyigban ji. Wodagbevɔn nɔ ŋɖe o, woakando wowo nɔnɔwo ji yí agbe lɔn wowo nɔnɔwo.