Skip to content

Skip to table of contents

Yeˬhawˇbaˬ-euˬ Saˇ kiˇ

Select language Akha

 Ka li zaˬ-euˬ dehꞈ ziˇ

Jaˇliꞈ dzaw zaˬ deuˬ-ahˇ biˬdiˬoˬ neh mehˬ

Jaˇliꞈ dzaw zaˬ deuˬ-ahˇ biˬdiˬoˬ neh mehˬ

Mehˬ ngeh zmˬ-eu keu ka heu naˇ, dzaw zaˬ deuˬ-ahˇ nui ma ahˇ laˇ ni caw ba nehˬ-eu uˬ taꞈ, gaˇ kawˆ deuˬ-ahˇ g’oˆ shaw nya-awˇ noeˬ taˬ nya ni jiˇ caw ba nehˬ-eu meh. Huiˬ dui dui-eu saˬ laˬ pyeuꞈ-eu Yeˬhawˇbaˬ, aˇ yeˇ huiˬ-eu gaˇ kawˆ deuˬ mehˬ-eu g’aˇ duˬ, g’awˬ mya jeˬ-ahˇ zmˬ-euˬ meh. (Beh 15:5; Miˇ 18:1-6) Huiˬ-eu saˬ laˬ Yeˬsuˇ jiˇ teu loꞈ-ehˇ jahˇ-euˬ meh. (Tehˬ 18:2-6; 22:19-21) Maˬ myahˇ laˇ-euˬ heu kaˬ-ahˇ biˬdiˬoˬ heu naˇ, mehˬ ngeh zawˇ-ehˇ gaˇ dahˇ tsoeˬ-eu keu ka pyeuꞈ nga lehˇ aˬ dui ya mawˇ-euˬ ma. Nawˇ Jaˇliꞈ dzaw zaˬ-ahˇ mehˬ ngeh, biˬdiˬoˬ heu deuˬ-ahˇ gaˇ dahˇ tsoeˬ ni zmˬ luꞈ ma loˇ?

Miˬyehˇ jawˇ gaˇ neh oe-euˬ Muiˬ-eu gaˇ kawˆ paˇ dmˬ laꞈ k’oeˇ-euˬ gaˇ kawˆ deuˬ-ahˇ mehˬ-eu g’aˇ duˬ, nymˬ-mˇ biˬdiˬoˬ 10 hmˬ jahˇ doˆ laꞈ taˬ-euˬ meh. Biˬdiˬoˬ-euˬ gaˇ kawˆ teu naˇ, paˇ dmˬ teu laꞈ k’oeˇ sahˬ boꞈ aˇ mawˇ yaw tuˇ tuˇ lehˇ naˇ haˬ taˬ-euˬ uˬ dzah yaw nyiˇ deuˬ nehˬ-ehˇ taꞈ-eu meh. G’oeˇsaiˇ jw.org laꞈ k’oeˇ ahˇ-eu paˇ dmˬ heu dmˬ naˇ, Jaˇliꞈ dzaw zaˬ-ahˇ aˬ geu ngeh biˬdiˬoˬ ya pah nehˬ-eu lehˇ ehˇ nehˬ laꞈ-eu liˆ-kuiꞈ (link) ahˇ-eu meh. K’oeˇ uˬ taꞈ, Mehˬ-eu Keu ka bawˬ keuˆ laꞈ k’oeˇ, aˬ dui Jaˇliꞈ dzaw zaˬ-ahˇ paˇ dmˬ nui deuˬ neh mehˬ ngeh jiˇ, pah nehˬ nya-eu biˬdiˬoˬ nui deuˬ ahˇ-eu meh.

Nawˇ Jaˇliꞈ dzaw zaˬ deuˬ g’oˆ shaw-eu yaw shaˬ gaˇ kawˆ-ahˇ mehˬ luꞈ ma loˇ? Maˬ ngeuˇ naˇ, nawˬ-euˬ Jaˇliꞈ dzaw zaˬ lawˬ haw laˇ-eu gaˇ kawˆ tiˬ jeˬ na-ahˇ ya tahˬ puˬ luꞈ nga laˬ? Nawˇ Jaˇliꞈ dzaw zaˬ-ahˇ caw ba-eu g’aˇ duˬ, jw.org® g’oeˇsaiˇ laꞈ k’oeˇ maˬ ngeuˇ naˇ, JW tiˬbiˬ laꞈ k’oeˇ ahˇ-eu biˬdiˬoˬ tiˬ hmˬ na-ahˇ poˆ haw-awˬ tawˇ. G’eh nya naˇ biˬdiˬoˬ teu Jaˇliꞈ dzaw zaˬ nehˬ-ehˇ haw-awˇ teu laꞈ k’oeˇ-euˬ gaˇ kawˆ-ahˇ ja sawˇ.

Ba la yawˬ siˬ na luꞈ biˬdiˬoˬ yaw shuiꞈ doˆ laˇ-eu meh. Nawˇ biˬdiˬoˬ teu deuˬ-ahˇ haw ngeh, biˬdiˬoˬ teu deuˬ neh aˬ cawˬ-ahˇ aˬ joˆ-ehˇ caw ba nya nga lehˇ shaˇ noeˬ haw.