Skip to content

Skip to table of contents

Yeˬhawˇbaˬ-euˬ Saˇ kiˇ

Select language Akha

 Ka li zaˬ-euˬ dehꞈ ziˇ

Miˬyehˇ-euˬ gaˇ mˇ paw bym laˇ—Maˬ huiˬ maˬ mahˇ laˇ-eu Jaˇliꞈ dzaw zaˬ-ahˇ byehˇ dzeh

Miˬyehˇ-euˬ gaˇ mˇ paw bym laˇ—Maˬ huiˬ maˬ mahˇ laˇ-eu Jaˇliꞈ dzaw zaˬ-ahˇ byehˇ dzeh

Aˬ jeˬ miˇ neh aˇ yeˇ huiˬ-eu nga?: Tsawˇ haˬ deuˬ ya buˬ ya law-iˇ-eu g’aˇ duˬ, Yeˬhawˇbaˬ-euˬ tsawˇ myahˇ-ahˇ kuˇ-awˇ laꞈ jeuˬ ya shaˇ-eu meh. (Maˆ 10:13, 14) Ehˇ k’awꞈ, Jaˇliꞈ k’aˇ dzaw laˇ-eu deuˬ Yeˬhawˇbaˬ-euˬ zahˇ dawˬ-ahˇ dehꞈ caw mawꞈ-eu maˬ ngeuˇ-a. Aˬ dui Miˬyehˇ nui k’ahˇ shiˇ ni maˇ diˇ dehꞈ poˆ dehꞈ paˇ mawꞈ-eu deuˬ-ahˇ caw ba-eu heu neh, aˇ yamˬ gaˇ dahˇ tsoeˬ gaˇ zmˬ-eu ma. Jaˇliꞈ dzaw zaˬ deuˬ tiˬ k’ehˬ dzaw myahˇ laꞈ-euˬ k’awꞈ maˬ huiˬ maˬ mahˇ laˇ naˇ, aˬ dui aˬ yawꞈ-ahˇ maˬ paˇ mehˬ ni, Yeˬhawˇbaˬ neh aˬ yawꞈ hawˇ-eu aˬ yawꞈ-euˬ aˇ maꞈ aˇ muˇ-ahˇ sheuˬ ahˇ laꞈ-euˬ deuˬ-ahˇ mehˬ iˇ naˇ muiˬ dzehˬ meh. (Yoˇ 6:44) Ehˇ k’awꞈ, tiˬ nah aˬ yawꞈ maꞈ noeˬ poˆ noeˬ paˇ-awˇ, “mˬ maˬ maˬ byaˆ zaˇ ziˇ dehꞈ-eu jeˬ za”-eu yaw tsaˬ yaw dawˇ-ahˇ ha geuꞈ-eu lehˇ mˇ mawˇ naˇ, aˬ dui jiˇ aˬ yawꞈ maꞈ-ahˇ paˇ mehˬ k’oꞈ iˇ-eu ma.—K’ehˇ 13:48.

Jahˇ paˬ-ehˇ g’eh-eu jeˬ:

  • Yaw tsaˬ yaw dawˇ jeˬ dzaw mawꞈ-eu dzaw zaˬ-ahˇ ja ceuˬ nehˬ.—1 Tiˆ 2:4

  • Ya siˬ-euˬ jeˬ-ahˇ mˇ caw-eu heu naˇ, aˇ yeˇ huiˬ-eu lehˇ tiˬ k’ehˬ maˬ kaˬ ehˇ nehˬ.—Luˇ 6:46-49

  • Aˬ yawꞈ-ahˇ Yeˬsuˇ neh ja-euˬ shiˬ yoeˬ sehˬ-eu gaˇ kawˆ ja nehˬ-awˇ, nawˬ-ahˇ maˬ bi huiˬ maˬ bi mahˇ laˇ ni laˆ tsoeˬ-eu aˬ geu jeˬ nya lehˇ nahˬ yu ni naˇ haˬ.—Tehˬ 13:18-23

  • Nawˇ aˬ yawꞈ-ahˇ aˬ jeˬ miˇ neh maˬ paˇ mehˬ-eu lehˇ g’awˬ shaˬ gaˬ-eu laꞈ k’oeˇ dzawˇ nehˬ

  • Nawˬ-ahˇ tiˬ poˆ na g’aˬ biꞈ laˇ ma lehˇ ehˇ nehˬ-awˇ, tiˬ nah nawˇ huiˬ laˇ mahˇ laˇ naˇ paˇ mehˬ laˇ ma lehˇ ehˇ nehˬ

Biˬdiˬoˬ haw g’aˬ naˇ, laꞈ oˆ jaˆ-eu naˇ haˬ-eu jeˬ heu deuˬ-ahˇ dawˬ k’oꞈ biꞈ:

  • Heu gaˇ haw ngeh, Jaˇliꞈ dzaw zaˬ maˬ huiˬ maˬ mahˇ laˇ nga lehˇ bi siˬ laꞈ-eu aˬ geu jeˬ nga?

  • Mehˬ-eu g’aˬ dzaw zaˬ-ahˇ ya dehꞈ poˆ ya dehꞈ paˇ-eu lehˇ siˬ leˇ ni aˬ joˆ-ehˇ caw ba nehˬ-euˬ nga?

  • Mehˬ-eu g’aˬ Jaˇliꞈ dzaw zaˬ-ahˇ, tiˬ nah aˬ yawꞈ paˇ dzaw k’oꞈ laˇ nya meh siˬ lehˇ aˬ joˆ-ehˇ ehˇ nehˬ-euˬ nga?