Skip to content

Skip to table of contents

Yeˬhawˇbaˬ-euˬ Saˇ kiˇ

Select language Akha

Uˆ lahˇ-eu aˇ muˇ-euˬ sahˬ boꞈ

Uˆ lahˇ-eu aˇ muˇ-euˬ sahˬ boꞈ

“Naw maꞈ-aˬ, aˬ cawˬ-ahˇ mehˬ nya tsoˆ nya deˇ laˇ-euˬ meh.” (Heˬbyehˇ 5:12) Shaˇ noeˬ haw sheˇ, boeˬ boeˬ luˆ luˆ laꞈ k’oeˇ neh k’aˇ mehˬ k’aˇ tsoˆ nya-eu g’aˬ pyeuꞈ-eu Yeˬhawˇbaˬ, aˬ dui-ahˇ kuˇ-awˇ, aˬ yawꞈ-euˬ gaˇ kawˆ bi mehˬ-eu meh. Gaˇ heu naˇ, muiˬ dui dui-awˇ poeˬ dui dui-eu uˬ taꞈ, kah dui dui-eu k’aˆ behˆ pyeuꞈ meh. Aˬ dui Yeˬhawˇbaˬ-euˬ gaˇ kawˆ heu, nymˇ jiˇ laꞈ k’oeˇ maˬ ehˇ, aˇ muˇ laꞈ k’oeˇ maˬ ehˇ, tsaꞈ gaˬ duˬ-ahˇ maˬ ehˇ ya mehˬ-eu meh. Aˬ dui gaˇ heu aˬ joˆ-ehˇ mˇ byah nya-eu nga?

Dawˬ k’oꞈ Pawˇluˆ neh Tiˆmoˇseˬ-ahˇ boꞈ nehˬ-euˬ sahˬ boꞈ laꞈ k’oeˇ ahˇ meh. Teu gaˇ, “Nawˬ-euˬ aˇ yamˬ hawˇ-eu g’aˬ dawˬ tawˆ luꞈ, tsawˇ haˬ aˇ maꞈ-ahˇ Jaˇliꞈ gui mehˬ-eu, dawˬ mehˬ mehˬ-eu, mehˬ nehˬ tsoˆ nehˬ-eu, heu deuˬ-euˬ g’aˇ duˬ zmˬ-awˬ” lehˇ ehˇ taˬ-awˇ, “Nawˇ k’oeˇ loꞈ-ehˇ mˇ-eu k’oeˇ-aˬ, nawˬ-euˬ g’awˇ mawˇ-ahˇ maˬ ehˇ, nawˬ neh mehˬ nehˬ tsoˆ nehˬ-euˬ tsawˇ haˬ deuˬ-ahˇ maˬ ehˇ, ka k’oꞈ-eu jeˬ pyeuꞈ-eu meh” lehˇ jiˇ paˇ ehˇ taˬ-euˬ meh. (1 Tiˆmoˇseˬ 4:13, 16) Nawˇ dehꞈ ziˇ-ahˇ, bi buˬ bi law iˇ-eu guiˬ lahˬ dawˬ aˬ cawˬ-ahˇ ya biˇ nehˬ-eu miˇ neh, gui-eu paw hawˇ-eu mehˬ-eu paw huiˬ laˇ mahˇ laˇ-eu heu naˇ, aˇ yeˇ huiˬ dui dui-eu meh. Paˇ dmˬ heu dmˬ nawˬ-ahˇ heu loꞈ-ehˇ jahˇ nya ni caw ba nehˬ nya meh. Aˬ dui paˇ dmˬ heu dmˬ-euˬ laꞈ k’oeˇ haw taˬ paˬ-ehˇ g’eh-eu jeˬ-ahˇ haw ma.

Sahˬ boꞈ myaˆ pyawˬ yawˬ taꞈ na luꞈ laꞈ k’oeˇ ahˇ-eu Jaˇliꞈ aˇ deuˆ naˇ, teu kawˆ laꞈ k’oeˇ aˇ yeˇ huiˬ-eu tsahˇ nehˬ-ehˇ taꞈ-eu, maˬ ngeuˇ naˇ aˇ yeˇ huiˬ-eu tsahˇ-ahˇ aˬ joˆ-ehˇ zmˬ iˇ-eu lehˇ bi siˬ-eu yaw jeˬ ma jeˬ pyeuꞈ meh

Yeˬhawˇbaˬ “huiˬ-eu mehˬ-eu tsoˆ-eu g’aˬ” pyeuꞈ meh. (Yawˇbaˆ 36:22) Paˇ dmˬ heu dmˬ nawˬ-ahˇ yaw muiˬ-ehˇ gui nya laˇ-awˇ, mehˬ nya laˇ ni caw ba nehˬ k’awꞈ, aˬ dui k’aˇ mehˬ-eu jeˬ dawˬ tawˆ luꞈ Yeˬhawˇbaˬ jawˇ gaˇ neh oe-awˇ, tsawˇ haˬ deuˬ-ahˇ sheuˬ laꞈ-eu aˬ yawꞈ pyeuꞈ-eu lehˇ aˬ myah luꞈ ya noeˬ taˬ meh. (Yoˇhaˬ 6:44) Teu miˇ neh, muiˬ-eu shawˇ-eu yaw sahˇ tiˬ k’ehˬ maˬ taˬ shaˇ-awˇ, mehˬ ngeh Jaˇliꞈ-ahˇ yaw k’aˆ k’aˆ-ehˇ zmˬ. Aˬ yawꞈ maꞈ-euˬ nui ma aˬ dui jawˇ gaˇ maˬ ngeuˇ-eu, Yeˬhawˇbaˬ jawˇ gaˇ ya bi jaˆ-awˇ, Yeˬhawˇbaˬ-ahˇ ziꞈ dah ni gaˬ ni leh jeh-awˇ ya caw ba nehˬ-eu meh.

Aˇ yeˇ k’aˇ huiˬ-eu gaˇ kawˆ-ahˇ mehˬ laˇ lehˇ nawˬ-ahˇ kuˇ-eu meh. Nawˇ “Miˬyehˇ neh biꞈ-euˬ baoˬ-ahˇ g’oe” naˇ, mˇ byah nya meh lehˇ nga maꞈ jah ziꞈ ma.—1 Beˬtuˆluˆ 4:11.

Nawˇ loꞈ-ehˇ tiˬ kawˆ loꞈ-ehˇ mehˬ luꞈ-eu cawˬ

Yeˬhawˇbaˬ-euˬ Saˇ kiˇ deuˬ-euˬ Uˆ lahˇ-eu aˇ muˇ