Skip to content

Skip to table of contents

Yeˬhawˇbaˬ-euˬ Saˇ kiˇ

Select language Akha

 Dzaw deuˆ 6

Jaˇliꞈ aˇ deuˆ-ahˇ yaw muiˬ-ehˇ dzawˇ nehˬ

Jaˇliꞈ aˇ deuˆ-ahˇ yaw muiˬ-ehˇ dzawˇ nehˬ

Yoˇhaˬ 10:33-36

Aˇ yeˇ huiˬ-eu jeˬ: Jaˇliꞈ gui g’aˬ-awˇ neh tehꞈ-ehˇ iˇ-eu taˬ tehˬ. Gui-euˬ Jaˇliꞈ aˇ deuˆ aˬ dui mehˬ luꞈ-eu jeˬ nehˬ-ehˇ aˬ joˆ-ehˇ taꞈ-eu lehˇ naˇ haˬ luꞈ-eu deuˬ-ahˇ yaw muiˬ-ehˇ g’oˆ shaw leˇ ni caw ba nehˬ.

Mˇ paˬ-ehˇ g’eh-eu jeˬ:

  • Aˇ yeˇ huiˬ-eu dawˬ-ahˇ yaw k’aˆ-ehˇ ngehˬ keuˆ. Jaˇliꞈ aˇ deuˆ gui g’aˬ naˇ, aˬ dui mehˬ luꞈ-eu gaˇ kawˆ nehˬ-ehˇ taꞈ-euˬ dawˬ-ahˇ yaw k’aˆ-ehˇ ya ngehˬ keuˆ. Toˆ-ehˇ jahˇ-eu g’aˇ duˬ, dawˬ teu dawˬ-ahˇ tiˬ poˆ paˇ ngehˬ poˆ, maˬ ngeuˇ naˇ aˇ yeˇ huiˬ-eu dawˬ aˬ geu dawˬ nga lehˇ naˇ haˬ luꞈ-eu deuˬ-ahˇ bi siˬ-eu g’aˇ duˬ, tiˬ jeˬ paˬ naˇ haˬ.

  • Aˇ yeˇ huiˬ-eu tsahˇ-ahˇ yaw k’aˆ-ehˇ ngehˬ keuˆ. Gaˇ kawˆ tiˬ jeˬ-ahˇ ja mehˬ nehˬ-eu g’aˇ duˬ Jaˇliꞈ aˇ deuˆ gui naˇ, Jaˇliꞈ teu deuˆ laꞈ k’oeˇ-euˬ aˇ yeˇ huiˬ-eu dawˬ teu dawˬ gaˇ kawˆ-ahˇ aˬ joˆ-ehˇ taꞈ-eu nga lehˇ ya dzawˇ nehˬ.

  • Jaˇliꞈ aˇ deuˆ-ahˇ yaw awˬ awˬ lehˇ dzawˇ nehˬ. Aˬ dui mehˬ-eu aˇ yeˇ huiˬ-eu jeˬ nehˬ-ehˇ maˬ taꞈ-eu tsahˇ-ahˇ taˬ ngehˬ. Naˇ haˬ luꞈ-eu deuˬ aˬ jeˬ-ahˇ siˬ nya dzeuˇ-euˬ nga lehˇ shaˇ noeˬ. K’oeˇ naˇ, aˬ yawꞈ maꞈ yaw muiˬ-ehˇ bi g’oˆ shaw-eu g’aˇ duˬ, aˇ yeˇ huiˬ-eu tsahˇ-ahˇ tehꞈ-ehˇ mehˬ nehˬ.