Skip to content

Skip to table of contents

Yeˬhawˇbaˬ-euˬ Saˇ kiˇ

Select language Akha

Jaˇliꞈ dzaw ngeh gaˇ dahˇ tsoeˬ-eu jeˬ za-awˇ byawˬ dzehˬ laˇ ni aˬ joˆ-ehˇ ya jahˇ

Jaˇliꞈ dzaw ngeh gaˇ dahˇ tsoeˬ-eu jeˬ za-awˇ byawˬ dzehˬ laˇ ni aˬ joˆ-ehˇ ya jahˇ

Yawˇshuˆ Iˇsaˬleˬlaˆ tsawˇ jeuˬ-ahˇ Yeˬhawˇbaˬ neh Saˇ jaˇ dzaˬ taˬ-euˬ Miˇ k’ahˬ-ahˇ ya sheuˬ uˇ leꞈ-eu meh. Gaˇ heu naˇ shaˬ dui dui-eu jeˬ pyeuꞈ meh. Ehˇ k’awꞈ, Yeˬhawˇbaˬ aˬ yawꞈ-ahˇ ‘Yawˬ haˇ yawˬ ha nui jah ahˇ-eu laꞈ k’oeˇ, k’aˬ duˬ ni mˇ-awˬ’ lehˇ ehˇ nehˬ-awˇ g’aˬ biꞈ nehˬ-euˬ uˬ taꞈ, Zahˇ dawˬ-ahˇ gui-awˇ nui ma keuˆ-eu laꞈ k’oeˇ mˇ caw naˇ, aˬ geu jeˬ gaˇ kawˆ-ahˇ noeˬ tsehˆ ngeh maˬ kaˬ, yawˬ gahˇ gahˇ-ehˇ noeˬ tsehˆ nya-awˇ, k’aˇ mˇ k’aˇ shaˇ-eu jeˬ pyeuꞈ leˇ nya-eu meh lehˇ paˇ ehˇ nehˬ-euˬ meh.—Yawˇshuˆ 1:7, 8.

Nymˬ-mˇ aˬ dui “shaˬ dui dui-eu aˇ yamˬ”-ahˇ jawˇ luꞈ-eu miˇ neh shaˬ zahˬ ya tahˬ puˬ-eu meh. (2 Tiˆmoˇseˬ 3:1) Aˬ dui dehꞈ ziˇ laꞈ k’oeˇ Yawˇshuˆ loꞈ-ehˇ mˇ pyeuꞈ mawꞈ naˇ, aˬ dui Yeˬhawˇbaˬ neh Yawˇshuˆ-ahˇ biꞈ-euˬ nui noeˬ nui duˇ-ahˇ ya mˇ caw-eu meh. Aˬ dui aˬ myah luꞈ Jaˇliꞈ ya gui-awˇ, yaw muiˬ-ehˇ noeˬ tsehˆ nya-eu g’aˇ duˬ, aˬ dui neh ya siˬ-euˬ jeˬ-ahˇ ya zmˬ-eu meh.

Yawˬ haˇ yawˬ ha Jaˇliꞈ dzaw-eu jeˬ aˇ yeˇ huiˬ dui dui-eu jeˬ pyeuꞈ k’awꞈ, dzaw jeˬ dzaw kawˆ maˬ siˬ nya-eu deuˬ jawˇ-awˇ, dzaw gaˇ laꞈ k’aˬ maˬ cehˇ-eu deuˬ jiˇ jawˇ-eu meh. “ Heu loꞈ-ehˇ mˇ haw” lehˇ ehˇ-eu oeˬ coeˇ oeˬ bawˬ-ahˇ haw naˇ, yawˬ haˇ yawˬ ha Jaˇliꞈ dzaw-eu byawˬ laˇ ni maˬ ehˇ, teu gaˇ neh gaˇ dahˇ tsoeˬ-eu jeˬ za ni maˬ ehˇ, caw ba nehˬ-eu jeˬ-ahˇ ya mawˇ tehꞈ-a.

Ja ceuˬ sahˬ boꞈ boꞈ-eu g’aˬ “Ngaˬ-euˬ laˬ k’aˬ cehˇ duˬ zahˇ dawˬ k’oꞈ dawˬ laꞈ k’oeˇ jaˆ-eu miˇ neh, dawˬ k’oeˇ deuˬ-ahˇ naˇ haˬ geuꞈ nya ni caw ba nehˬ laꞈ” lehˇ ehˇ-eu meh. (Ja ceuˬ 119:35) Nawˇ k’awꞈ Jaˇliꞈ yaw byawˬ byawˬ-ehˇ dzaw nya-awˇ, nawˇ ngehˬ-ehˇ dzaw naˇ ngehˬ-ehˇ muiˬ-eu nui noeˬ nui duˇ deuˬ za laˇ dui dui meh.

Nawˇ Yawˇshuˆ loꞈ-ehˇ Iˇsaˬleˬlaˆ deuˬ-ahˇ maˬ ya sheuˬ g’eh k’awꞈ, nawˇ jiˇ shaˬ zahˬ gaˇ kawˆ jaˆ-eu meh. Nawˇ jiˇ ni Yawˇshuˆ loꞈ-ehˇ Jaˇliꞈ gui-awˇ, ya siˬ-euˬ jeˬ-ahˇ mˇ caw luꞈ-uˇ. Nawˇ toˆ-ehˇ jahˇ naˇ, gaˇ kawˆ deuˬ-ahˇ yaw muiˬ-ehˇ noeˬ tsehˆ nya-awˇ, dehꞈ ziˇ laꞈ k’oeˇ mˇ pyeuꞈ nya meh.