Asʋ̃ Nyamɩnlɩ Yi Dima Yɛ Lɛ Gyisɛsɩ a?
Mɔɔ Bayɩbʋlʋ yɩ kã
Gyisɛsɩ yɩzayɩ ɩhanlɩ kɛɛ ɩdɩ “Nyamɩnlɩ Ɣalɛ.” (Dwɔɔnʋ 10:36; 11:4) Gyisɛsɩ ɩákã yɩ kyɩ̃ kɛɛ mɛyɩ yɛ ɩdɩ Nyamɩnlɩ Tumivʋlɔ yɩ a.
Akʋ̃ sʋ̃, Gyisɛsɩ wɔlɩ Nyamɩnlɩ mpayɩ. (Matiyu 26:39) Na mmɩlɩ mɔ Gyisɛsɩ ikilehilee yɩ mɛdalilɛmaa kezimɔ bɔkɔwɔ mpayɩ nɩ, ɩhanlɩ kɛɛ bɛhã kɛɛ: “Yɛ Zɩ mɔɔ ɔwɔ sʋlɔ, ma yɛva annidi yɛwɔ́ wu dima.”—Matiyu 6:9.
Gyisɛsɩ lalɩ Nyamɩnlɩ yi dima nɩ ali mmɩlɩ mɔ ɩvalɩ ɔwɔkɩ Ɛhɛlɛlɛdwokɔ be na ɩhanlɩ numɔ odwokɔ nɩ. Ɩhanlɩ kɛɛ: “O Yizilaya, Tiye, Gyehova yɛ Nyamɩnlɩ dɩ Gyehova ɔkʋ̃ kyeinyii.”—Maakɩ 12:29, New World Translation; Ditilonɔmi 6:4.
You May Also Like
BAYƖBƲLƲ EHILEHILELƐ ADITILI
Asʋ̃ Gyisɛsɩ Kɩlayɩsɩ Yɛ Lɛ Nyamɩnlɩ a?
Asʋ̃ Gyisɛsɩ Kɩlayɩsɩ yɛ lɛ Dɩyɛ Munwala Zʋ Tumivʋlɔ Nyamɩnlɩ yɩ yɩzayɩ a? Anzɛnyɩɩ ɩsʋnɩ Gyisɛsɩ yɛɛ ɩsʋnɩ Nyamɩnlɩ a?
ESSENTIAL BIBLE TEACHINGS
Asʋ̃ Nyamɩnlɩ Ɩwɔ Dima a?
Nyamɩnlɩ ɩwɔ abodini sʋ̃maa. Dɩyɛ Munwala Zʋ Tumivʋlɔ, Dɩyɛwɔlɛvʋlɔ, nɩɩ Niibenyia ɩkɩnla yɩ abodini azʋlɔtʋ nɩ nwʋ. Naasʋ̃ bɛva Nyamɩnlɩ yɩzayɩ yi dima beli egyima mbɔmɩ pɔlɩpɔlɩ 7,000 wɔ Bayɩbʋlʋ yɩ nu.
YƐ NWƲ NDWOKƆ
Ma Abiye Ɩɣa Igyela Wʋ
Sa enyia Bayɩbʋlʋ nu odwokɔɣizialɛ nwʋ munwalɩyɛ anzɛnyɩɩ sa osuma sʋ̃maa ɛfalɩ Gyehova Dasɩvʋlɔmaa bɔ nwʋ.