Diistá awa nui

Awin papí diistá

Diistá ajawai

Jehuwá etsegtin aidau

awajún

¡Pegkeg chicham Apajuinu minawai!

 Jintiamu 2

¿Yaita Apajuish?

¿Yaita Apajuish?

1. ¿Wagka emematmainaita Apajuish?

Apajuik ashí wají aidaun najanauwai. Tuke pujuwai atakea duwish tuke pujutnai (Salmo 90:2). Niiniya minawai pegkeg chicham igkuam duka Apajuí chichamen (Salmo 73:28). Aniau asa jutiinashkam pujutan amasuí, nuaduí nigki emematmainaitji. Ausata Iwainakbau 4:11.

2. ¿Wajukuita niish?

Apajuinak makichik aentskesh tuke wainchau ainawai wagki Apajuik wakani, iina nagkaetamsauwai (Juan 1:18; 4:24). Yamai shiig dekamainai wajukú Apajuiyaita duka nii takasbauji wainag nu anentaimtusa diiyaku: jujú iwainawai, kuashat makí makichik niimtin yujag tuja yagkug aina nunú dekamtijamui anempamujin tuja yachajin: nuigtush nugka nayaimpia nujai dekamtijamui nii senchijin. Ausata Romanos 1:20.

Tikich dutikaku Apajuí dekamaina duka augmainaitji nii chichame. Jujú tujamui Apajuish aentsnash wajuk dutikawa nuna, nuigtushkam ujapawai nii tuna wakegawa nuna tuna dakitawa nunashkam tuja niish wajuk dekapeawa kuashat utugchat aina nuwish nunashkam. Ausata Salmo 103:7-10.

3. ¿Daaji ajawash?

Jisus tiuwai: jutí Apají, amek nayaimpinum pujuwaitme. Tuke pegkegmai daagmek (Mateo 6:9). Aatus asamtai eme anentsá tutai aidauk kuashtai, tujash niina daajiya duka. Makichki nunak adayinawai makí makichik ditá chichamen Awajún chichamai adaibauk Jehuwá, tuja nuigtush adaitayai tikich Apajuí chichame jiigbau aina nuwishkam Yahvé. Ausata Éxodo 3:14, nota.

Kuashat Apajuí chichamen Apajuí daajinak emegkakaje, nuninak yapajiawajui eme anentsá adaitaya nuna jukiag, Apu Apajuí tuuta awajuinawai. Tujash Apajuí chichamen nagkam chak agaju aina nuaduik, Apajuí daajig wantinajakui 7.000 jegattak. Aentsú jintintak Apajuí pachis, Jisus kuashtá imania adaikauwai daajin. Ausata Juan 17:26.

Jujú apag anejata nujai betek, Apajuik puyatjupawai ii waittaish

4. ¿Puyatjupawak Apajuish?

Dekas aneejatnaitkush: ¿wagka idaiwa kuashat waitiamunash? Anentaimainawai Apajuí dekas waitkagmawai dekapjamsatatus, tusa tujash duka dekaskechui. Ausata Santiago 1:13.

Jehuwá amasuí agkan iik anentaimsa jinta pujutnum ekagta nunú etegmainun. Nu agkanta amasua duwi dekas umigmainai (Josué 24:15). Tujash, kuashat aents nunak pegkegchaunum imá senchi takainawai, tuja duwi imá senchi waitiamu awai. Tujash Jehuwá nunú pegkegchaun wainak wake besemag anentaimui. Ausata Génesis 6:5, 6.

Jehuwá dekas anempawai duwi wakegawai shiig aneas pujustinme tusa, nuaduí waamak ijinattawai aents pegkegchaunak aantsag najaimamunashkam emegkaktatui. Nunú jegatatus wega duwi idaiwai waitiamunak tujash pegkeg anentaiyai. Jintiamu 8 a juwi dekattaji tuwaita duka. Ausata 2 Pedro 2:9; 3:7, 13.

5. ¿Wají dutikaku Apajuijaish ijutkau amainaita?

Jehuwá wakegawai ijutkau atí imá minak segatak tusa. Dekas, duwi puyatjupawai makí makichkitinak (Salmo 65:2; 145:18). Nuigtushkam, nigka tsagkugkagtinai dekagtamui jutí kakanmabaunak nii wakegamu umiktasa, kakajus umikchamin akuish. Nuaduí, ii tudau akuish, amainaitji niina kumpají. Ausata Salmo 103:12-14; Santiago 4:8.

Duwi nii pujutan amasuí, atus asamtai Apajuiya duke imá nigki emematmainuk (Marcos 12:30). Tuja iwaintukmi Apajuí aneamu unuimaku nii pachisa tuja nii chichame umiaku. Aja nuniaku, ijutkau atatji niijai. Ausata 1 Timoteo 2:4; 1 Juan 5:3.