Diistá awa nui

Awin papí diistá

Diistá ajawai

Jehuwá etsegtin aidau

awajún

¡Pegkeg chicham Apajuinu minawai!

 Jintiamu 8

¿Apajuish wagka idaiwa pegkegchaunash waitiamujaish?

¿Apajuish wagka idaiwa pegkegchaunash waitiamujaish?

Susauwai tsawantan aentsun apu weegan inamjatnume tusa, tujash iwainmamkaje makichkish utugchatan epegmaitsu nuna nugkanum

1. ¿Wajuk nagkamdauwaita pegkegchaush?

Pegkegchauk nagkamdauwai nugkanmak Iwanch nagkamchak tsanumja duwi. Nagkamchakug, nigka wakan pegkejam aajakuí, tujash “dekaskea nunak dakitak” (Juan 8:44). Emematam atajai tusa anentaimsauwai nunak idaisachui, imá nigki emematan amaina nuna najankagtin Jehuwá. Makichik tsanumawai Evan tsanujuí, nagkamak nuwa aajakua nuna, mina umigtukti tusa Apajuinak umigtsuk. Adán ijunkau nuwe intimkimujin. Nu nunikbaunum nagkamdauwai waitiamu aidau jaamushkam. Ausata Génesis 3:1-6, 19.

Tsanujuí Evan umigkashti tusa Apajuin, duwi Iwanch nagkamauwai shiwagmatan. Tuja Dakitjau dekas imanjiya nuna, nunak tawai, imá nigki inamin Jehuwá, tujash imá kuashat aents aina nuwiya ijunkaje iwanchjai dakituinak Apajuí imanjiya nuna, Iwanch najaneae aatus nuniabui “ju nugka juna apuji”. Ausata Juan 14:30; 1 Juan 5:19.

2. ¿Apajuí pegkegchaunak najanauwait?

Ashí Jehuwá takasbauk pegkejak ainawai. Aents aidaun tuja wakan aidaujai Apajuí najanauwa duka pegkejam aajakajuí yupichu umigmain (Deuteronomio 32:4, 5). Apajuí susauwai agkan etegkatnun pegkeg pegkegchaujai. Nunú agkanta duwi Apajuí aneamu iwaintumainai. Ausata Santiago 1:13-15; 1 Juan 5:3.

3. ¿Apajuish wagka idaiwa waitiamunash?

Jehuwa idaiwai nii apu asamtai shiwagmamunak wajumak tsawanchik. ¿Wají anentaiyai? Dekamtikatatus makichik apukesh nii yayashbauk aents aidaunak yaimaitsu nuna (Jeremias 2:13; Romanos  8:22). 6.000 mijan nagkaemaki duwi, makichkish utujibauk atsawai: aents apu wegaja duka kakajus emegkaumainchau dekapenawai pegkegchaun, intimkimun, maaniamun tuja jatanashkam. Ausata Romanos 9:17.

Nuniku akuish, idaimainai Apajuí inamak yaimpakti tusa (Isaías 54:13). Waamak, Jehuwá emegkaktatui apu aents aina nunak. Pujuagtatui nugkanmak aents Apajuin apu atí tusa yaigku aina nunú (Isaías 11:9). Ausata Daniel 2:44.

Ii tumami nuniaku, iwainmamnawai Apajuí inabauk yayag atsa yayatsjik duka

4. ¿Apajuí dakagma duwish tuu nunimainaita?

Iwanch tiuwai aentsuk Apajuinak umijui suamu asa tusa. See tumainai dakagma duwi Apajuí, ashí jutí iwainmamainaitji ii pujamunum dekas Iwanch waita duka tuja nuniaku yaimainaitji nii inama nunú Apajuí aents aidau yaitsuk. Ausata Job 1:8-12; Salmo 73:28.

5. ¿Wajuk nuniaku ijutkau amainaita Apajuijaish?

Dekas umigkatasa Apajuí wakegakuik, dekamainaitji wajuk wakegawa nii emematjiti tusa nunú, nuigtú igkumainaitji Apajuí nemagbau dekaskea nunú —Apajuí chichamen jintina nunú— nuniaku nagkama kakanmamainaitji duwi pujustasa (Juan 4:23). Nuigtush dakitjami Iwanch inabauwa duka ii dekas Jisus iwaintugmakbauwa nunú pataetakuik pachitkau amaitsui nugkanmaya unuimatan jukiag naatuina nuwig tuja maanitnumshakam. Ausata Juan 17:14.

Iwanch niina senchijin dutikawai aents aidaun pegkegchau takastinme tusa. Nunú aaja pujut dakitamunum amainai amina kumpajum tuja pataim dushiktamushkam nuniak pujutnumash utugchatan aputugbau (1 Pedro 4:3, 4). Nunin nagkaetamkuish, ¿ijutkaush amainkait aents Apajuí aneena nujaish? ¿Umigkattajik chicham umiktinun anenkajin yachajin nii ama dusha? Nunú aja umiakuik, dekattaji Iwanch tsanumak Apajuinak makichkish umigmainchau ainawai utugchatnum pujakug tibauwa nunú. Ausata 1 Corintios 6:9, 10; 15:33.

Apajuí anempa duwi kajinmamsa dekas waitiamu pegkegchau megkaejattawapi taji. Ya nunú dekaskeapi tabauwai pujawa, nunú tuke pujusagtinai nugkanmak. Ausata Juan 3:16.