Diistá awa nui

Jehuwá etsegtin aidau

Select language awajún

¿Wajuk anentaime amesh atak atina dusha?

¿Wajuk anentaime amesh atak atina dusha?

¿Wajuk anentaime ju nugka juwish . . .

  • . . . betekak atata?

  • . . . atimpash aan kuashat utugchatash?

  • . . . shiig pegekejash atí?

 APAJUÍ CHICHAME TAWAI

“Apajuí [...] dita negaikinak emegkatjatnai Atsutnai jaamu, buutbau, waitiaku untsubau, najaimamu aidaushkam. Wagki duwik aajakua duka ashimnaku asamtai.” (Iwainakbau [Apocalipsis] 21:3, 4, Yamajam Chicham Apajuinu.)

¿WAJUK YAIMPAWA DEKASKEA

Ajutjamtatui takat pegkeg shiig aneasa pujamu (Isaías 65:21-23).

Waitiamu najaimamu atsutnai (Isaías 33:24; 35:10).

Pujuttaji shiig dakujusa iina patayí nuigtush iina kumpajijaishkam (Salmo 37:11, 29).

 ¿WAGKA DEKASKEAPI TUMAINAITA APAJUÍ CHICHAME TAWA DUSHA?

Jujú jimaja juwi aimui:

  • Apajuí ajawai niina senchijí nunin asa umiktatui juna anagtama nunak. Jujú Apajuí Chichamen adaiwai imá nigki “ashí senchigtinuk,” nunin asa niina senchijig tuke atinai (Iwainakbau 15:3). Nuniau asa Apajuí anagtamui nugkanak yapajiattajai tusa shiig pegkejush emattawai, nunin asamtai dekaskeapi tumainai nii umiktin asamtai. Apajuí chichame tawai, “Apajuí ashí dutikmainai” (Mateo 19:26).

  • Apajuí wakegawai umiktatus juajuí anagtama nunak. Apajuí chichame tawai, Jehuwá wakegawai awagtuktatus pujutin aents jakau aidaun (Job 14:14, 15).

Nuigtushkam adaiwai Jisusan, nii Apajuí uchijí, etsagajui jau aidaun. ¿Wagka dutikaush aayi? Nii wakegau asa (Marcos 1:40, 41). Nii takasua nunak dutikauwai iwainak apají wakegamun nuigtush yaigkuí ujudauch aidaunashkam (Juan 5:19).

Dekaskeapi tumainai Jehuwá Jisusjai wakegawai sujamsatatus atakea duwi pujut shiig pegkegjush atina nuna (Salmo 72:12-14; 145:16; 2 Pedro 3:9).

 INIIMASTA

¿Apajuish wajina dutikattawa jujú nugka pegkejush atí tusash?

Ausata Apajuí chichamen juwi MATEO 6:9, 10 nuigtú DANIEL 2:44.