Diistá awa nui

Awin papí diistá

Jehuwá etsegtin aidau

awajún

¿Amesh wajuk anentaimtame Apajuí chichamesh?

¿Amesh wajuk anentaimtame Apajuí chichamesh?
  • ¿Wají tumainaitme jujú papinash agajuashit aents anentaibaun?

  • ¿Wají tumainaitme papish augmatbauwashit?

  • ¿Wají tumainaitme Apajuí chichamegashit?

 APAJUÍ CHICHAME TAWAI

“Apajuí chichamega duka, ashí Apajuí tabau agagbau asa atsumtaiyai.” (2 Timoteo 3:16, Yamajam Chicham Apajuinu.)

¿WAJUK YAIMPAWA DEKASKEA DUSHA?

Igkuntatji aibau dekas iniibau kuashat ajutjama nunú pujutmin (Proverbios 1:2-4).

Ashí iina pujutaijinak dekas jintinjamattawai (Salmo 119:105).

Ajutjamtatui dakamu atakea duwi (Romanos 15:4).

 ¿WAGKA DEKASKEAPI TUMAINAITA APAJUÍ CHICHAME TAWA DUSHA?

Jujú kampatuma juwi aimui:

  • Ajawai makichik nigki jintiamu. Apajuí chichamen agaju ainawai cuarenta aents, Apajuí chichame agamunak nagkamawajui 1513 tin eke Kristu akiintsaig duka abuekauwai mijan 98 tin. Tujash dita aidauk wainiakchajui nunin aish Apajuí chichamen betek jintiauwai.

  • Apajuí chichamen agajaju aina duka dekas tiajui. Aents aidau augmatuinawai wají nagkemakbaujin tujash uwinawai pegkegchau takasbaujin niina yaaktajin. Tujash Apajuí chichamen betekchauwai, wagki aents aidau agajaju aina duka ukchajui dita pegkegchau takasbaujinak dita yaaktajinishkam (Salmo 51:1-4; Jeremías 7:24-26).

  • Apajuí etsegtin aidau yaunchuk tibauk tuke uminui. 700 mijan nagkaemakiuwai eke Jisus akiintsaig Apajuí chichamen tiuwai Apajuí uchijí akiinattawai Belén yaakat Judá nugkanum (Miqueas 5:2). ¿Tuwig akiidau aayi Jisusash? Nunú yaakat Belegnum (Mateo 2:1-6).

Nuigtushkam kuashat Apajuí etsegtin aidau yaunchuk tiajua duka shiig betekush uminkauwai. Nunin asa Apajuí chichame tawa duka tuké uminui (2 Pedro 1:21).

 INIIMASTA

¿Wajuk yainmainaita Apajuí chichamesh?

Ausata Apajuí chichamen juwi SALMO 19:7-9 nuigtú 2 TIMOTEO 3:16, 17.