1. Ons Soewerein, Jehovah,

is yw’rig vir sy grote naam.

Dis heilig en dis suiwer,

dit moet gereinig word van blaam.

Maar deur al die geslagte

toon hy deurentyd geduld.

Verdraagsaam teenoor almal

vergeef hy hulle skuld.

Ja, alle soorte mense

moet leer wat God van hul vereis.

Uit liefde vir die mensdom

het hy so lank geduld bewys.

2. Geduld is baie nodig

om op die regte pad te bly.

Dit hou ons harte kalm,

en help om woede te vermy.

Die goeie in ons naaste

sien dit altyd eerste raak,

kan selfs in swaar beproewing

ons ewewig bewaak.

Ons vra Gods gees en leiding,

dit help ons om geduld te toon.

Sy voorbeeld wil ons navolg,

hy’s dié geduldigste Persoon.