Job 6:1-30

  • Job se antwoord (1-30)

    • Sê dat hy met goeie rede kla (2-6)

    • Sy vertroosters is onbetroubaar (15-18)

    • “Eerlike woorde maak nie seer nie!” (25)

6  Toe het Job geantwoord:   “As my pyn+ maar net geweeg kon word en saam met my rampspoed op die weegskaal gesit kon word!   Want dit is swaarder as die sand van die see. Daarom was my woorde wilde praatjies.*+   Want die pyle van die Almagtige het my getref,en ek is vol van die gif daarvan.+ God val my aan met vreesaanjaende dinge.   Sal ’n wildedonkie+ balk as hy gras het,of sal ’n bees bulk as hy voer het?   Eet ’n mens smaaklose kos sonder sout,of is daar smaak in die sap van ’n malva?   Ek weier om daaraan te raak. Dit is soos kos wat sleg geword het.   Ag, as ek maar kon kry wat ek vraen as God maar net my wens sou vervul!   As God my maar wou uitwis,sy hand wou uitsteek en my doodmaak!+ 10  Selfs dít sou my vertroos. Ek sou van vreugde spring ten spyte van die pyn,want ek het nie die woorde van die Heilige verwerp nie.+ 11  Het ek die krag om te bly wag?+ Wat lê vir my voor dat ek moet bly lewe? 12  Is ek so sterk soos klip? Of is ek van koper gemaak? 13  Hoe kan ek myself helpas ek geen ondersteuning meer het nie? 14  Enigiemand wat nie liefde* aan sy medemens betoon nie,+vrees die Almagtige nie meer nie.+ 15  My vriende* is so onbetroubaar+ soos ’n winterstroom,soos die water van winterstrome wat opdroog. 16  Hulle vloei sterkweens ys en sneeu wat smelt. 17  Maar in die somerhitte verdwyn hulle. Wanneer dit warm word, droog hulle water op. 18  Hulle kronkel deur die woestyn,en dan verdwyn hulle. 19  Die karavane van Tema+ soek na hulle. Die reisigers van Skeba*+ wag vir hulle. 20  Hulle is teleurgesteld, want hulle het gedink dat daar water sal wees. Hulle kom daar aan, en daar is niks. 21  Want dit is hoe julle vir my is.+ Julle het gesien hoe sleg dit met my gaan, en julle is bang.+ 22  Het ek julle vir iets gevra,of het ek gevra dat julle namens my ’n geskenk aan iemand moet gee? 23  Het ek gevra om van ’n vyand gered te wordof om van onderdrukkers bevry* te word? 24  Help my om te verstaan, en ek sal stilbly.+ Vertel my wat ek verkeerd gedoen het. 25  Eerlike woorde maak nie seer nie!+ Maar hoe sal die dinge wat julle sê, my help?+ 26  Probeer julle my woorde kritiseer,’n desperate man se woorde,+ wat deur die wind weggewaai word? 27  Julle sal selfs oor ’n weeskind lootjies trek+en julle eie vriend verkoop!+ 28  Kyk nou na my,want ek sal nie vir julle lieg nie. 29  Dink asseblief weer – moet my nie veroordeel nie –ja, dink weer, want ek is onskuldig.* 30  Dink julle dat ek iets verkeerds gesê het? Dink julle nie ek weet dat daar fout is nie?

Voetnote

Of “het ek oorhaastig gepraat, sonder om te dink”.
Of “lojale liefde”.
Lett. “broers”.
Of “Die reisgeselskap van Sabeërs”.
Lett. “losgekoop”.
Of “ek is nog steeds regverdig”.