Job 32:1-22

  • Jong Elihu begin praat (1-22)

    • Kwaad vir Job en Job se vriende (2, 3)

    • Uit respek gewag voordat hy begin praat (6, 7)

    • Mense nie noodwendig wys omdat hulle oud is nie (9)

    • Elihu wil graag praat (18-20)

32  Toe het die drie manne opgehou om Job te probeer antwoord, want hy was oortuig dat hy onskuldig is.*+  Maar Eliʹhu, die seun van Baraʹgel, die Busiet,+ uit die familie van Ram, het baie kwaad geword. Hy was woedend omdat Job probeer bewys het dat hý reg is eerder as God.+  Hy was ook baie kwaad vir Job se drie vriende omdat hulle nie vir hom ’n goeie antwoord kon gee nie en God skuldig verklaar het.+  Eliʹhu het gewag voordat hy Job geantwoord het, want die ander was ouer as hy.+  Toe Eliʹhu sien dat die drie mans niks meer gehad het om te sê nie, het hy woedend geword.  Eliʹhu, die seun van Baraʹgel, die Busiet, het toe begin praat en gesê: “Ek is jonk,en julle is ouer as ek.+ Daarom het ek uit respek stilgebly+en nie vir julle gesê wat ek weet nie.   Ek het gedink: ‘Laat die ouer mense praat,en laat die bejaardes wysheid bekend maak.’   Maar dit is die gees in mense,die asem van die Almagtige, wat hulle insig gee.+   Mense is nie noodwendig wys net omdat hulle oud is nie,en dit is nie net oumense wat weet wat reg is nie.+ 10  Daarom sê ek: ‘Luister na my. Ek sal vir julle sê wat ek weet.’ 11  Ek het gewag dat julle klaar praat. Ek het na julle redenasies bly luister+terwyl julle gedink het aan nog dinge om te sê.+ 12  Ek het aandagtig na julle geluister,maar nie een van julle kon Job verkeerd bewys*of ’n antwoord op sy argumente gee nie. 13  Moet dus nie sê: ‘Ons het wysheid gevind;dit is God wat hom verkeerd bewys, nie ’n mens nie.’ 14  Job het nie met my gepraat nie,en daarom gaan ek hom nie antwoord met julle argumente nie. 15  Hierdie manne is ontsteld, hulle het nie meer antwoorde nie. Hulle het niks meer om te sê nie. 16  Ek het gewag, maar hulle praat nie verder nie. Hulle staan net daar, hulle het nie meer antwoorde nie. 17  Nou gaan ek praat. Nou gaan ek sê wat ek weet. 18  Want ek het baie om te sê. Ek kan dit nie meer inhou nie.* 19  My binneste is soos ’n wynsak vol wyn,soos ’n nuwe wynsak wat wil oopbars.+ 20  Laat my praat sodat ek verligting kan kry! Ek sal my mond oopmaak en ’n antwoord gee. 21  Ek sal niemand se kant kies nie,+en ek sal niemand vlei nie, 22  want ek weet nie hoe om te vlei nie. As ek geweet het, sou my Maker vinnig ’n einde aan my gemaak het.

Voetnote

Of “hy was regverdig in sy eie oë”.
Of “teregwys”.
Lett. “Die gees in my dwing my”.