Job 12:1-25

  • Job se antwoord (1-25)

    • “Julle is nie beter as ek nie” (3)

    • “My vriende lag my uit” (4)

    • ‘Wysheid is by God’ (13)

    • God is ver verhewe bo regters en konings (17, 18)

12  Toe het Job geantwoord:   “Ja, julle weet mos alles,en met julle sal die wysheid uitsterf!   Maar ek het ook verstand.* Julle is nie beter as ek nie. Wie weet nie hierdie dinge nie?   My vriende lag my uit,+want ek smeek God om my te help.+ ’n Regverdige en onskuldige man word uitgelag.   Die een wat geen bekommernis het nie, sien neer op dié wat probleme ondervind. Hulle dink dat probleme net dié tref wat nie stewig op hulle voete staan nie.   Daar is vrede in die tente van rowers+en veiligheid vir dié wat God kwaad maak,+vir dié wat hulle god in hulle hande hou.   Maar vra asseblief die diere, en hulle sal jou leer. Vra ook die voëls van die hemel, en hulle sal jou vertel.   Of luister na* die aarde, en dit sal jou leer. En die visse van die see sal dit aan jou bekend maak.   Wie van hulle weet niedat Jehovah se hand dit gedoen het nie? 10  In sy hand is die lewe van elke lewende dingen die gees* van elke mens.+ 11  Toets die oor nie woordesoos die tong* kos proe nie?+ 12  Word wysheid nie by die bejaardes gevind nie,+en kom insig nie met die ouderdom nie? 13  By hom is wysheid en mag.+ Hy het raad en insig.+ 14  As hy iets afbreek, kan niemand dit opbou nie.+ As hy iets sluit, kan niemand dit oopmaak nie. 15  As hy die water terughou, droog alles op.+ As hy dit uitstuur, word die aarde oorstroom.+ 16  Hy het krag en praktiese wysheid.+ Aan hom behoort die een wat mislei en die een wat mislei word. 17  Hy laat raadgewers kaalvoet loop,*en hy maak van regters dwase.+ 18  Hy neem konings se gesag weg+en laat hulle slawe word. 19  Hy laat priesters kaalvoet loop+en verwyder magtiges uit hulle posisie.+ 20  Hy maak betroubare raadgewers stilen neem die wysheid van ou manne* weg. 21  Hy bring skande oor heersers,+en hy maak magtiges swak. 22  Hy openbaar diep dinge wat in die donkerte is,+en hy bring diep donkerte na die lig. 23  Hy laat nasies magtig word, sodat hy hulle kan vernietig. Hy laat nasies groot word, sodat hy hulle in ballingskap kan laat gaan. 24  Hy neem die insig* van volksleiers wegen laat hulle ronddwaal in ’n wildernis sonder paaie.+ 25  Hulle tas in die duisternis rond,+ waar daar geen lig is nie. Hy laat hulle ronddwaal soos dronk mense.+

Voetnote

Lett. “’n hart”.
Of moontlik “praat met”.
Of “asem”.
Lett. “verhemelte”.
Of “Hy stroop raadgewers van alles”.
Of “ouermanne”.
Lett. “hart”.