Jesaja 53:1-12

  • Lyding, dood en begrafnis van Jehovah se kneg (1-12)

    • Op neergesien en vermy (3)

    • Dra siektes en pyn (4)

    • “Soos ’n skaap is hy gebring om geslag te word” (7)

    • Hy het sonde van baie mense gedra (12)

53  Wie het geloof gestel in wat ons gesê* het?+ En aan wie is die mag* van Jehovah+ geopenbaar?+   Hy sal soos ’n takkie+ voor hom* opkom, soos ’n wortel in dorre grond. Hy het nie ’n indrukwekkende vorm of enige prag nie.+ En wanneer ons hom sien, trek sy voorkoms ons nie tot hom aan nie.   Mense het op hom neergesien en hom vermy.+ Hy was ’n man wat pyn sou leer ken* en wat met siekte bekend was. Dit was asof ons sy gesig nie kon sien nie.* Daar is op hom neergesien, en ons het hom as onbelangrik beskou.+   Ja, hy het ons siektes gedra,+en hy het ons pyn op hom geneem.+ Maar ons het hom beskou as iemand wat met ’n plaag getref is, wat deur God geslaan is en verdruk is.   Maar hy is vir ons oortreding+ deurboor.+ Weens ons sondes het hy verskriklik gely.+ Hy is gestraf sodat ons vrede kon hê,+en weens sy wonde is ons genees.+   Soos skape het ons almal rondgedwaal.+ Elkeen het sy eie pad gevolg. En Jehovah het ons almal se sonde op hom laat neerkom.+   Hy was onderdruk+ en het toegelaat dat lyding oor hom kom,+maar hy het nie sy mond oopgemaak nie. Soos ’n skaap is hy gebring om geslag te word,+soos ’n ooi wat nie ’n geluid maak voor die skeerders nie,en hy het nie sy mond oopgemaak nie.+   Weens ’n onregverdige vonnis* is hy weggeneem. En wie sal aandag skenk aan die besonderhede van sy geslag?* Want hy is uit die land van die lewendes afgesny.+ Weens die oortreding van my volk is hy geslaan.*+   Hy het ’n graf tussen die goddeloses gekry,+en toe hy gesterf het, is hy by die rykes* begrawe,+hoewel hy niks verkeerds gedoen* het nieen nooit iets bedriegliks gesê het nie.+ 10  Maar dit was Jehovah se wil dat hy moes ly, en hy het hom siek laat word. As u sy lewe as ’n skuldoffer aanbied,+sal hy sy nageslag* sien en sal hy sy lewe verleng,+en deur hom sal Jehovah se wil uitgevoer word.+ 11  Weens sy bitter lyding sal hy tevrede wees met wat hy sal sien. Deur middel van sy kennis sal die regverdige, my kneg,+baie mense help om ’n regverdige posisie te verkry,+en hy sal hulle sondes dra.+ 12  Daarom sal ek hom ’n deel onder die menigte gee,en saam met die magtiges sal hy die buit verdeel,omdat hy sy lewe gegee het*+en as ’n oortreder beskou is.+ Hy het die sonde van baie mense gedra,+en hy het vir die oortreders tussenbeide getree.+

Voetnote

Of moontlik “gehoor”.
Lett. “arm”.
“Hom” kan na ’n waarnemer oor die algemeen of na God verwys.
Of “wat pyn verstaan het”.
Of moontlik “Hy was soos iemand van wie mense hulle gesigte weggedraai het”.
Lett. “onderdrukking en oordeel”.
Of “herkoms; lewenswyse”.
Of “doodgemaak”.
Lett. “’n ryk man”.
Of “geen gewelddaad gepleeg”.
Lett. “saad”.
Of “uitgestort het in die dood”.