Jesaja 5:1-30
5 Ek wil graag vir my geliefde sing.
Ek wil ’n lied sing oor die een wat ek liefhet en sy wingerd.+
My geliefde het ’n wingerd teen ’n vrugbare heuwel gehad.
2 Hy het dit omgespit en die klippe daaruit verwyder.
Hy het die beste rooi wingerdstokke daarin geplant,en ’n toring in die middel daarvan gebou.
Hy het ook ’n wynpers daarin uitgekap.+
Hy het bly hoop dat dit druiwe sou voortbring,maar dit het net wilde druiwe voortgebring.+
3 “En nou, inwoners van Jerusalem en manne van Juda,oordeel asseblief tussen my en my wingerd.+
4 Wat kon ek nog vir my wingerd gedoen hetwat ek nie reeds gedoen het nie?+
Ek het gehoop dat dit goeie druiwe sou voortbring,maar hoekom het dit net wilde druiwe voortgebring?
5 Ek sal vir julle sêwat ek met my wingerd gaan doen:
Ek gaan sy heining verwyder,en dit sal afgebrand word.+
Ek gaan sy klipmuur afbreek,en dit sal vertrap word.
6 Ek sal dit ’n wildernis maak.+
Dit sal nie gesnoei of omgespit word nie.
Doringbosse en onkruid sal dit toegroei,+en ek sal die wolke beveel om geen reën daarop te laat val nie.+
7 Want die wingerd van Jehovah van die leërmagte is die huis van Israel.+
Die manne van Juda is die wingerd waarvoor hy lief was.
Hy het bly hoop op geregtigheid,+maar daar was net ongeregtigheid.
Hy het bly hoop op regverdigheid,maar daar was net ’n geroep om hulp.”+
8 Dit sal sleg gaan met dié wat een huis ná die ander oorneem,+en een veld ná die ander,+totdat daar nie meer plek vir ander is nieen hulle die enigste inwoners in die land is!
9 Ek het Jehovah van die leërmagte hoor sweerdat baie huise, al is hulle groot en mooi,iets skokkends sal word,sonder ’n inwoner.+
10 Want tien akker* wingerd sal net een bat* oplewer,en ’n homer* saad sal net ’n efa* oplewer.+
11 Dit sal sleg gaan met dié wat vroeg in die oggend opstaan om alkohol te drink,+met dié wat hulle tot laat in die aand dronk drink!
12 Hulle het harpe en ander snaarinstrumente,tamboeryne, fluite en wyn by hulle feeste,maar hulle dink nie aan wat Jehovah doen nie,en hulle sien nie die werk van sy hande nie.
13 Daarom sal my volk in ballingskap gaanomdat hulle nie kennis het nie.+
Hulle geëerde manne sal honger ly+en die hele volk sal dors wees.
14 Daarom het die Graf* homself groter gemaaken sy mond wawyd oopgemaak,+en die belangrike mense* van die stad, haar raserige menigtes en dié wat feesvier,sal beslis daarin afdaal.
15 Die mens sal neerbuig,hy sal verneder word,en die hoogmoediges sal hulle koppe moet laat sak.
16 Jehovah van die leërmagte sal deur sy oordeel* verheerlik word.
Die ware God, die Heilige,+ sal homself heilig deur regverdigheid.+
17 En die lammers sal wei asof dit hulle eie weiveld is.
Uitlanders sal eet by die verwoeste plekke waar daar voorheen vetgevoerde diere was.
18 Dit sal sleg gaan met dié wat hulle skuld met toue van bedrog saamsleep,en hulle sonde met wa-toue,
19 met dié wat sê: “Laat Hy gou maak met sy werk.
Laat dit gou kom, sodat ons dit kan sien.
Laat die voorneme* van die Heilige van Israel uitgevoer word,sodat ons dit kan weet!”+
20 Dit sal sleg gaan met dié wat sê dat goed sleg is en sleg goed,+dié wat duisternis met lig vervang en lig met duisternis,dié wat bitter met soet vervang en soet met bitter!
21 Dit sal sleg gaan met dié wat wys is in hulle eie oë
en wat dink dat hulle verstandig is!+
22 Dit sal sleg gaan met dié wat helde is wanneer dit by wyndrinkery komen met die manne wat goed is daarmee om sterk drank te meng,+
23 met dié wat die goddelose vir ’n omkoopgeskenk vryspreek+en wat die regverdige nie geregtigheid laat kry nie!+
24 Daarom, net soos stoppels deur vuur verteer worden droë gras deur vlamme verskroei word,sal hulle wortels verroten sal hulle bloeisels soos poeier wegwaai,omdat hulle die wet* van Jehovah van die leërmagte verwerp heten geen respek getoon het vir die woord van die Heilige van Israel nie.+
25 Daarom is Jehovah woedend vir sy volk,en hy sal sy hand uitsteek om hulle te straf.+
Die berge sal bewe.
Hulle lyke sal soos vullis in die strate wees.+
Weens alles wat hulle gedoen het, het sy woede nie bedaar nie,maar sy hand is nog steeds uitgesteek om hulle te straf.
26 Hy het ’n banier* opgerig vir ’n nasie wat ver is.+
Hy het gefluit om hulle van die eindes van die aarde af te laat kom.+
En kyk! Hulle kom vinnig.+
27 Nie een van hulle is moeg of struikel nie.
Nie een is lomerig of slaap nie.
Die lyfband om hulle middel is nie losgemaak nieen die rieme van hulle sandale is nie stukkend nie.
28 Al hulle pyle is skerp,en al hulle boë is gespan, reg om te skiet.
Die hoewe van hulle perde is soos vuurklip,en hulle wiele is soos ’n stormwind.+
29 Hulle gebrul is soos dié van ’n leeu.
Hulle brul soos jong leeus.*+
Hulle sal grom en die prooi gryp.
Hulle sal dit wegdra, en daar sal niemand wees om dit te red nie.
30 In daardie dag sal hulle daaroor grom
soos die gegrom van die see.+
Enigiemand wat na die land kyk, sal verskriklike duisternis sien.
Selfs die lig het donker geword as gevolg van die wolke.+
Voetnote
^ Omtrent 4 hektaar.
^ Of “die prag”.
^ Of “geregtigheid”.
^ Of “besluit; raad”.
^ Of “onderrigting”.
^ Of “seinpaal”.
^ Of “jong maanhaarleeus”.
