Jesaja 15:1-9
-
Oordeelsboodskap teen Moab (1-9)
15 ’n Oordeelsboodskap teen Moab:+
Omdat dit in een nag verwoes is,is Ar+ van Moab stilgemaak.
Omdat dit in een nag verwoes is,is Kir+ van Moab stilgemaak.
2 Mense het opgegaan na die tempel en na Dibon,+na die offerhoogtes, om te huil.
Moab huil oor Nebo+ en oor Medeʹba.+
Elke kop is kaal geskeer,+ elke baard is afgeskeer.+
3 Op sy strate dra hulle saklinne.
Op hulle dakke en op hulle openbare pleine huil hulle almal.
Hulle huil terwyl hulle afgaan.+
4 Hesbon en Eleaʹle+ roep uit.
Hulle stem word tot by Jahas+ gehoor.
Daarom hou die gewapende manne van Moab aan skree.
Hulle bewe van vrees.
5 My hart roep uit oor Moab.
Sy vlugtelinge het tot by Soar+ en Egʹlat-Selisiʹa+ gevlug.
Hulle huil terwyl hulle teen die opdraand van Luhit opgaan.
Op die pad na Horonaʹim treur hulle oor die ramp.+
6 Want die waters van Nimrim het verdwyn.
Die groen gras het verdroog,die gras en alle groenigheid is weg.
7 Daarom dra hulle weg wat oor is van hulle voorraad en hulle rykdom.
Hulle trek deur die vallei* van die populiere.
8 Die geskree weerklink dwarsdeur die gebied van Moab.+
Die gehuil kan tot by Eglaʹimen tot by Beër-Elim gehoor word.
9 Want die waters van Dimon is vol bloed.
En ek sal nog dinge oor Dimon bring:
Leeus vir dié van Moab wat ontsnapen vir dié wat in die land oorbly.+
