Hosea 8:1-14
8 “Blaas op ’n horing!+
Iemand kom soos ’n arend teen die huis van Jehovah,+want hulle het my verbond verbreek+ en my wet oortree.+
2 Hulle roep na my: ‘My God, ons, Israel, ken u!’+
3 Israel het verwerp wat goed is.+
Laat ’n vyand hom agtervolg.
4 Hulle het konings aangestel, maar nie deur my nie.
Hulle het leiers aangestel, maar ek het hulle nie goedgekeur nie.
Met hulle silwer en hulle goud het hulle afgode gemaak,+en dit sal tot hulle vernietiging lei.+
5 Jou kalf is verwerp, o Samariʹa.+
Ek word woedend vir hulle.+
Sal hulle dit nooit regkry om onskuldig* te wees nie?
6 Want dit kom uit Israel.
’n Ambagsman het dit gemaak, en dit is nie God nie.
Van die kalf van Samariʹa sal daar net splinters oorbly.
7 Want hulle saai wind,en hulle sal ’n stormwind oes.+
Die are bring nie ryp graan voort nie,+en daar is nie korrels waarvan meel gemaal kan word nie.
As dit wel iets voortbring, sal uitlanders* dit eet.+
8 Israel sal ingesluk word.+
Hulle sal onder die nasies wees+soos ’n houer wat niemand wil hê nie.
9 Want hulle het na Assiʹrië gegaan,+ soos ’n eensame wildedonkie.
Eʹfraim het prostitute gehuur om vir hulle lief te wees.+
10 Al huur hulle prostitute onder die nasies,sal ek hulle nou bymekaarmaak.
Hulle sal swaarkry+ weens die las wat die koning en leiers op hulle plaas.
11 Want Eʹfraim het baie altare gemaak en so gesondig.+
Dit het die altare geword waarop hy gesondig het.+
12 Ek het vir hom baie wette* neergeskryf,maar hy het dit as iets vreemds beskou.+
13 Hulle bring offerandes aan my, en hulle eet die vleis,maar Jehovah keur nie hulle offerandes goed nie.+
Hy sal aan hulle oortreding dink en hulle straf vir hulle sondes.+
Hulle het na Egipte teruggekeer.*+
14 Israel het sy Maker vergeet+ en tempels gebou,+en Juda het sy versterkte stede meer gemaak.+
Maar ek sal vuur na sy stede stuur,en dit sal die torings van elke stad verteer.”+
Voetnote
^ Of “rein”.
^ Of “vreemdelinge”.
^ Of “onderrigting”.
^ Of moontlik “Hulle sal na Egipte terugkeer”.
