Spring na inhoud

Sal mense ooit ophou swaarkry?

Sal mense ooit ophou swaarkry?

Wat dink jy?

  • ja

  • nee

  • miskien

 WAT DIE BYBEL SÊ

“God . . . sal al die trane van hulle oë afvee, en die dood, swaarkry, gehuil of pyn sal nie meer daar wees nie.” – Openbaring 21:3, 4, Contemporary English Version.

WAT DIT VIR JOU KAN BETEKEN

Dit verseker ons dat God nie ons probleme veroorsaak nie. – Jakobus 1:13.

Dit vertroos ons, want dit wys dat God heeltemal verstaan hoe ons voel wanneer ons swaarkry. – Sagaria 2:8.

Dit gee ons hoop dat alle swaarkry sal ophou. – Psalm 37:9-11.

 KAN ONS REGTIG GLO WAT DIE BYBEL SÊ?

Ja, vir ten minste twee redes:

  • God haat swaarkry en ongeregtigheid. Dink aan hoe Jehovah God oor die wrede mishandeling van sy volk in Bybeltye gevoel het. Die Bybel sê dat dit hom ontstel het “omdat hulle vyande hulle . . . mishandel het”. – Rigters 2:18, Nuwe Wêreld-vertaling.

    God haat dit wanneer mense ander seermaak. Die Bybel sê byvoorbeeld dat “hande wat onskuldige mense doodmaak” vir hom afskuwelik is. – Spreuke 6:16, 17.

  • God gee vir elkeen van ons om. Elkeen van ons “weet watter probleem en watter pyn” ons het, maar Jehovah weet dit ook! – 2 Kronieke 6:29, 30.

    Jehovah sal binnekort deur middel van sy Koninkryk ’n einde maak aan swaarkry (Matteus 6:9, 10). Intussen vertroos hy almal liefdevol wat hom opreg soek. – Handelinge 17:27; 2 Korintiërs 1:3, 4.

 IETS OM OOR TE DINK

Hoekom laat God toe dat mense swaarkry?

Die Bybel beantwoord hierdie vraag in ROMEINE 5:12 en 2 PETRUS 3:9.