Yaa mi ní ɔ nɔ

Yaa munyuyi tsɔwi ɔmɛ a nɔ

Yehowa Odasefohi

Dangme

Mɛni He Je Nɛ Yehowa Odasefohi Yi Ista a?

Mɛni He Je Nɛ Yehowa Odasefohi Yi Ista a?

Juɛmi nɛ dɛ nɛ nihi hɛɛ

Nɔ́ Nɛ Nihi Deɔ: Akɛnɛ pi Kristofohi ji Yehowa Odasefohi he je nɛ a yi Ista a nɛ.

Anɔkuale ɔ: Wa he ye kaa Yesu Kristo ji wa Kpɔlɔ, lɔ ɔ he ɔ, wa ‘nyɛɛ e nɔ hyɛmi nɔ́ ɔ se.1 Petro 2:21; Luka 2:11.

Nɔ́ Nɛ Nihi Deɔ: Nyɛ he we yi kaa a tle Yesu si.

Anɔkuale ɔ: Wa he ye kaa a tle Yesu si; wa le kaa e ji Kristofohi a tsɔɔmi ɔmɛ a mi oti, nɛ wa tuɔ he munyu kɛ tsɔɔ nihi ke wa ngɛ fiɛɛe.1 Korinto Bi 15:3, 4, 12-15.

Nɔ́ Nɛ Nihi Deɔ: E gba we nyɛ nya kaa nyɛ bimɛ ná we Ista yemi mi bua jɔmi ɔ eko.

Anɔkuale ɔ: Wa suɔ wa bimɛ—wa bɔɔ mɔde kaa wa ma tsɔse mɛ, nɛ waa ye bua mɛ konɛ a ná bua jɔmi.Tito 2:4.

Mɛni He Je Nɛ Yehowa Odasefohi Yi Ista?

  • Ista yemi gbijlɔ ɔ dɛ Baiblo ɔ nɔ.

  • Yesu fa wɔ kaa wa kai e gbenɔ ɔ, se pi e si temi ɔ. Wa yeɔ Yesu gbenɔ Kaimi ɔ daa jeha kaa bɔ nɛ Baiblo ɔ tsɔɔ ɔ.Luka 22:19, 20.

  • Wa he ye kaa Ista yemi je blema fɔmi he kusumihi a mi, lɔ ɔ he ɔ, Mawu kplɛɛ we Ista yemi nɔ. A kɛ Mawu “plee we nɔ́ he,” loo e ngɛ hlae nɛ wa ja lɛ pɛ, lɔ ɔ he ɔ, e bua jɔɛ he kaa wa maa ngɔ níhi nɛ e sume kɛ futu e jami.2 Mose 20:5; 1 Matsɛmɛ 18:21.

Baiblo ɔ nɔ wa da kɛ mwɔ wa yi mi kpɔ kaa wa be Ista yee, ejakaa Baiblo ɔ woɔ wɔ he wami kaa waa ngɔ “nile nitsɛnitsɛ, kɛ juɛmi” kɛ tsu ní, mohu pe nɛ wa maa di adesahi a kusumihi a se. (Abɛ 3:21; Mateo 15:3) E ngɛ mi kaa ke nihi bi wɔ Ista he sane ɔ, wa tsɔɔ mɛ nya mohu lɛɛ, se nɔ nitsɛ nɛ e maa mwɔ e yi mi kpɔ ngɛ nɔ́ nɛ e maa pee he.1 Petro 3:15.