Yaa mi ní ɔ nɔ

Yaa munyuyi tsɔwi ɔmɛ a nɔ

Yehowa Odasefohi

Dangme

Anɛ Yehowa Odasefohi Heɔ Somi Momo ɔ Yeɔ Lo?

Anɛ Yehowa Odasefohi Heɔ Somi Momo ɔ Yeɔ Lo?

Ee. Yehowa Odasefohi he ye kaa Baiblo mluku ɔ tsuo ɔ, “Mawu mumi ɔ lɛ ha nɛ nihi ngma; nɛ e hi.” (2 Timoteo 3:16) Munyu nɛ ɔ kɔɔ Somi Momo ɔ kɛ Somi He ɔ tsuo he. Yehowa Odasefohi tsɛɛ Somi Momo ɔ ke Hebri Ngmami, nɛ a tsɛɛ Somi He ɔ hu ke Hela Ngmami. Enɛ ɔ tsɔɔ kaa wa bui Baiblo fã ko kaa e be be loo e he hia we.

Mɛni he je nɛ e sa kaa Kristofohi nɛ a ngɔ Somi Momo ɔ kɛ Somi He ɔ kɛ tsu ní?

Mawu mumi ɔ ha nɛ Bɔfo Paulo ngma ke: “Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní.” (Roma Bi 15:4) Lɔ ɔ he ɔ, munyuhi nɛ ngɛ Hebri Ngmami ɔ mi ɔ a he ngɛ se nami kɛ ha wɔ. Munyuhi nɛ ngɛ mi ɔ ekomɛ kɔɔ yi nɔ sanehi, ga womi kpakpahi, kɛ ní kpahi a he.

  • Yi nɔ sanehi. Adebɔ kɛ bɔ nɛ adesahi pee yayami ɔ he amaniɛ bɔmi fitsofitso ngɛ Hebri Ngmami ɔ mi. Ke wa li enɛ ɔ, wa be nyɛe ma ná sane bimi nɛ nyɛɛ se nɛ ɔmɛ a hetohi nɛ haa nɔ tsui nɔɔ e mi: Kɛ e pee kɛɛ nɛ wa ba je mi? Mɛni he je nɛ adesahi gboɔ? (1 Mose 2:7, 17) Jehanɛ hu, Hebri Ngmami ɔ tu bua jɔmi kɛ haomihi nɛ nihi nɛ a ngɛ kaa wɔ kɛ kpe ɔ he munyu, nɛ e tsɔɔ bɔ nɛ Yehowa Mawu kɛ mɛ hi si ha.Yakobo 5:17.

  • Ga womi kpakpa. Baiblo ɔ mi womihi nɛ ji Abɛ kɛ Fiɛlɔ nɛ a ji Hebri Ngmami ɔ fã a tu nile nɛ ma nyɛ maa ye bua wɔ ngɛ si himi mi be tsuaa be ɔ he munyu. Baiblo ɔ mi womi nɛ ɔmɛ kɛ ga womi nɛ ma ha weku si himi maa pee bua jɔmi ɔ haa (Abɛ 15:17), a tsɔɔ bɔ nɛ e sa kaa wa ná juɛmi nɛ da ngɛ ní tsumi he (Abɛ 10:4; Fiɛlɔ 4:6), kɛ nɔ́ nɛ nihewi kɛ yihewi maa pee konɛ a ná bua jɔmi ngɛ a si himi mi (Fiɛlɔ 11:9–12:1).

Jehanɛ hu, ke wa kase Mose Mlaa a nɛ ngɛ Tora (Baiblo ɔ mi womi enuɔ nɛ sɛ hlami ɔ) mi ɔ, wa ma ná he se. E ngɛ mi kaa Kristofohi be jamɛ a Mlaa a sisi mohu lɛɛ, se blɔ tsɔɔmihi ngɛ mi nɛ ma nyɛ maa ye bua wɔ konɛ wa ná bua jɔmi ngɛ si himi mi.3 Mose 19:18; 5 Mose 6:5-7.