Yaa mi ní ɔ nɔ

Yaa munyuyi tsɔwi ɔmɛ a nɔ

Yehowa Odasefohi

Dangme

Mɛni He Je Nɛ Yehowa Odasefohi Yi Fɔmi Ligbi ɔ?

Mɛni He Je Nɛ Yehowa Odasefohi Yi Fɔmi Ligbi ɔ?

Yehowa Odasefohi yi fɔmi ligbi ejakaa wa he ye kaa e ji nɔ́ ko nɛ Mawu kplɛɛ we nɔ. E ngɛ mi kaa Baiblo ɔ gba we mi kpoo nɛ e de ke fɔmi ligbi yemi hí mohu lɛɛ, se Baiblo ɔ yeɔ bua wɔ nɛ wa naa Mawu susumi ngɛ ní komɛ nɛ a peeɔ ngɛ fɔmi ligbi yemi mi ɔ a he. Ha nɛ wa susu níhi eywiɛ komɛ, kɛ Baiblo mi sisi tomi mlaahi nɛ wa ma nyɛ maa ngɔ kɛ to he ɔ a he nɛ waa hyɛ.

  1. Fɔmi Ligbi Yemi Je Wɔ Jami Mi. Womi nɛ ji, Funk & Wagnalls Standard Dictionary of Folklore, Mythology, and Legend ɔ tsɔɔ nya kaa, nihi yeɔ gbijlɔ nɛ ɔ ejakaa a susu kaa “mumi yayamihi ma nyɛ maa ye nɔ ko awi ngɛ e fɔmi ligbi nɔ, lɔ ɔ he ɔ, ke nɔ ɔ ngɛ e fɔmi ligbi yee nɛ e huɛmɛ ba ha lɛ manye ɔ, lɔ ɔ ma nyɛ maa po nɔ ɔ he piɛ ngɛ mumi yayami ɔmɛ a he.” The Lore of Birthdays womi ɔ hu tsɔɔ kaa ngɛ blema a, “dodoe mi hyɛli daa nɔ ko fɔmi ligbi nɔ nɛ a tsɔɔ bɔ nɛ nɔ ɔ hwɔɔ se maa pee ha.” Jehanɛ hu ɔ, a he ye kaa ke “a su kɛnlɛ ngɛ nɔ ko fɔmi ligbi nɔ ɔ, a ma ná he blɔ klɛdɛɛ kɛ bi jɔɔmi kɛ ha nɔ ɔ.”

    Se Baiblo ɔ kplɛɛ we klaami, kunya yemi, mumihi a tsɛmi, loo ‘níhi kaa jã a nɔ.’ (5 Mose 18:14; Galatia Bi 5:19-21) Ngɛ anɔkuale mi ɔ, nɔ́ kake he je nɛ Mawu kpata blema Babilon bi ɔmɛ a hɛ mi ji kaa a ngɔ a he kɛ wo dodoe mi hyɛmi kɛ kunya yemi mi. (Yesaya 47:11-15) Pi he nɛ kusumihi tsuo je kɛ ba a nɛ Yehowa Odasefohi kɛ a juɛmi maa nɔ titli, se ke a na kaa kusumi ko kɛ Baiblo sisi tomi mlaa ko kɔ we ɔ, a ma we a hɛ kɛ fɔɛ nɔ.

  2. Yesu kaseli ɔmɛ yi fɔmi ligbi. Womi nɛ ji, The World Book Encyclopedia a de ke “a bu fɔmi ligbi yemi kaa wɔ jali a kusumi.” Baiblo ɔ tsɔɔ kaa Yesu kaseli ɔmɛ kɛ ni kpahi nɛ Yesu tsɔɔ mɛ ní ɔ pee nɔ hyɛmi nɔ́ nɛ e sa kaa Kristofohi tsuo nɛ a nyɛɛ se.2 Tesalonika Bi 3:6.

  3. Yesu gbenɔ ɔ pɛ ji gbijlɔ nɛ Mawu suɔ kaa Kristofohi nɛ a ye, se pi fɔmi ligbi. (Luka 22:17-20) Ko ha nɛ enɛ ɔ nɛ pee mo nyakpɛ, ejakaa Baiblo ɔ de ke ‘ligbi nɛ nɔ ko gbo ɔ hi pe ligbi nɛ a fɔ lɛ.’ (Fiɛlɔ 7:1) Benɛ Yesu gbo ɔ, e ná biɛ kpakpa ngɛ Mawu hɛ mi, enɛ ɔ he ɔ, ligbi nɛ e gbo ɔ hi pe ligbi nɛ a fɔ lɛ ɔ.Hebri Bi 1:4.

  4. He ko be Baiblo ɔ mi nɛ tsɔɔ kaa Mawu sɔmɔlɔ ko ye e fɔmi ligbi. Mawu ha nɛ a ngma nihi enyɔ komɛ nɛ a ye a fɔmi ligbi he sane ngɛ Baiblo ɔ mi. Pi Mawu jali ji jamɛ a ni ɔmɛ, lɔ ɔ he ɔ, wa be nyɛe ma de ke Mawu hɛ je nɔ kaa e ma de e sɔmɔli kaa e sa nɛ a ye a fɔmi ligbi. Jehanɛ hu ɔ, bɔ nɛ Baiblo ɔ tu jamɛ a fɔmi ligbi yemi ɔmɛ a he munyu ha a tsɔɔ kaa Mawu bua jɔɛ he.1 Mose 40:20-22; Marko 6:21-29.

Anɛ fɔmi ligbi nɛ Yehowa Odasefohi yi ɔ haa nɛ a bimɛ nuɔ he kaa nɔ́ ko ngɛ mɛ bɔe lo?

Ngɛ jeha a mi tsuo ɔ, Odasefohi jeɔ suɔmi kpo kɛ tsɔɔ a bimɛ nɛ a heɔ níhi kɛ haa mɛ nɛ a kɛ mɛ jeɔ a hɛja. A bɔɔ mɔde kaa a maa kase bɔ nɛ Mawu haa e bimɛ ní kpakpahi be tsuaa be ɔ. (Mateo 7:11) Odasefohi a bimɛ nui he kaa nɔ́ ko ngɛ mɛ bɔe. Nɔ́ nɛ a ti ni komɛ de ji nɛ ɔ nɛ:

  • “Ke o ná nike ní ko nɛ o hyɛ we blɔ ɔ, o bua jɔɔ wawɛɛ.”—Tammy, e ye jeha 12.

  • “E ngɛ mi kaa ye fɔli ki mi nɔ́ ko ngɛ ye fɔmi ligbi nɔ mohu lɛɛ, se a keeɔ mi ní ngɛ be kpahi a mi. I suɔ lɛ jã ejakaa e haa nɛ ye bua jɔɔ.”—Gregory, e ye jeha 11.

  • “Anɛ o susu kaa jamɛ a hɛngmɛfia nyɔngma a, kɛ keeki tsɔwi ɔmɛ, kɛ la nɛ nyɛ fiaa a lɛ tsɔɔ kaa nyɛ ngɛ nyɛ hɛ ja jee lo? Moo ba ye we ɔ mi nɛ o ba hyɛ hɛja jemi nitsɛnitsɛ!”—Eric, e ye jeha 6.