Waa kɛ Baiblo mi ga womi nɛ tsɔɔ kaa “nyɛɛ bu nɔ tsuaa nɔ” ɔ tsuɔ ní. Lɔ ɔ he ɔ, jami saisaa nɛ nɔ ko ngɛ mi ɔ tsuo se ɔ, wa ngɛ bu kɛ ha lɛ. (1 Petro 2:17) Kaa nɔ hyɛmi nɔ́ ɔ, ngɛ mahi komɛ a mi ɔ, Yehowa Odasefohi akpehi abɔ nɛ a ngɛ lejɛ ɔ. Se kɛ̃ ɔ, wa nyɛ́ ma kudɔli loo mlaa woli a nɔ nɛ a tsi jami kpahi a ní tsumi nya. Jehanɛ hu, wa fiɛ gɔgɔ kaa ma a nɛ wo mlaa nɛ ma ha nɛ nihi nɛ a ba a je mi kaa bɔ nɛ wa baa wa je mi ɔ. Mohu ɔ, waa kɛ nihi hii si kaa bɔ nɛ wa suɔ kaa a kɛ wɔ nɛ hi si ɔ.Mateo 7:12.