Yaa mi ní ɔ nɔ

Yaa munyuyi tsɔwi ɔmɛ a nɔ

Yehowa Odasefohi

Dangme

Mɛni Ji Yehowa Odasefohi A Blɔ Tsɔɔmi Ajla Toli ɔ?

Mɛni Ji Yehowa Odasefohi A Blɔ Tsɔɔmi Ajla Toli ɔ?

Blɔ Tsɔɔmi Ajla Toli ɔmɛ ji Kristofohi nyumuhi nɛ a nane pi si ngɛ Mawu jami mi, nɛ a kɛ blɔ tsɔɔmi haa Yehowa Odasefohi tsuo ngɛ je kɛ wɛ. A ní tsumi ji kaa:

  • A tsɔɔ Mawu we bi ní kɛ gu Baiblo kasemi níhi, kɛ kpehi, kɛ Yehowa Odasefohi a tsɔsemi sukuuhi nɛ a peeɔ ɔ nɔ.Luka 12:42.

  • A hyɛɛ Yehowa Odasefohi a je kɛ wɛ fiɛɛmi ní tsumi ɔ nɔ, nɛ a tsɔɔ bɔ nɛ a kɛ sika kɛ ní kpahi nɛ nihi kɛ yeɔ bua je kɛ wɛ fiɛɛmi ní tsumi ɔ ma tsu ní ha.

Ngɛ kaseli ɔmɛ a be ɔ mi ɔ, Yesu bɔfo ɔmɛ kɛ nikɔtɔma komɛ pee kake kɛ mwɔ a yi mi kpɔ ngɛ sanehi a he kɛ ha Kristofohi asafo ɔ tsuo. Mwɔnɛ ɔ hu ɔ, Blɔ Tsɔɔmi Ajla Toli ɔmɛ nyɛɛɔ ‘bɔfo ɔmɛ kɛ nikɔtɔmahi nɛ a hi Yerusalem’ ɔ a nɔ hyɛmi nɔ́ ɔ se. (Bɔfo Ɔmɛ A Ní Tsumi 15:2) Kaa bɔ nɛ e ji ngɛ kaseli ɔmɛ a be ɔ mi ɔ, mwɔnɛ ɔ hu ɔ, Blɔ Tsɔɔmi Ajla Toli ɔmɛ bui a he kaa a ji Mawu we bi a nya dali. A hyɛɛ Baiblo ɔ mi kɛ hlaa blɔ tsɔɔmi kɛ tsɔɔ kaa a kplɛɛ nɔ kaa Yesu Kristo ji nɔ nɛ Yehowa hla lɛ kaa asafo ɔ Yi.1 Korinto Bi 11:3; Efeso Bi 5:23.

Mɛnɔmɛ lɛ a sɔmɔɔ kaa Blɔ Tsɔɔmi Ajla Toli?

Kɛ je April 2015 kɛ ma nɛ ɔ, nihi nɛ a ngɛ sɔmɔe kaa Blɔ Tsɔɔmi Ajla Toli ji, Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, kɛ David Splane. A sɔmɔɔ ngɛ wa ní tsumi yi ɔ ngɛ Brooklyn ngɛ New York, U.S.A.

Mɛni nɛ Blɔ Tsɔɔmi Ajla Toli ɔmɛ tsuɔ?

Blɔ Tsɔɔmi Ajla Toli ɔmɛ ngɛ kuuhi kakaaka ekpa, nɛ a ti nɔ tsuaa nɔ tsuɔ ní ngɛ kuu kake loo enyɔ loo nɔ́ nɛ hyɛ pe jã mi.

  • Ajla Toli Nɛ A Tsuɔ Sanehi A He Ní: A hyɛɛ níhi nɛ kɔɔ mlaa he ɔ nɔ. Nɛ ke oslaa ko ba wa nyɛmimɛ a nɔ aloo ke Yehowa Odasefohi kɛ yi mi wami loo nyagba kpa ko ngɛ kpee ɔ, mɛ ji nihi nɛ a tsuɔ he ní.

  • Ajla Toli Nɛ A Hyɛɛ Betel Ní Tsuli A Nɔ: A hyɛɛ Betel weku ɔ mi bimɛ a nɔ, nɛ a toɔ níhi a he blɔ nya kɛ haa mɛ.

  • Ajla Toli Nɛ A Hyɛɛ Womi Fiami Nɔ: A hyɛɛ Baiblo kasemi níhi a peemi nɔ, nɛ a toɔ blɔ nya konɛ nyɛmimɛ a nine nɛ su nɔ ngɛ je kɛ wɛ. Jehanɛ se hu ɔ, a hyɛɛ kpe peemi asahi a mami, kɛ asafo ɔ ní tsumi kɔnihi kɛ gbi sisi tsɔɔmi ɔfisihi a mami a nɔ.

  • Ajla Toli Nɛ A Hyɛɛ Sɔmɔmi Ní Tsumi ɔ Nɔ: A hyɛɛ ‘Matsɛ Yemi sane kpakpa’ fiɛɛmi ní tsumi ɔ nɔ.Mateo 24:14.

  • Ajla Toli Nɛ A Hyɛɛ Ní Tsɔɔmi Nɔ: A toɔ ní tsɔɔmi nɛ yaa nɔ ngɛ kpehi a sisi, kɛ sukuuhi a he blɔ nya, nɛ a kɛ blɔ tsɔɔmihi haa kɛ guu videohi kɛ munyuhi nɛ a fiaa nɛ a buɔ tue nɔ.

  • Ajla Toli Nɛ A Hyɛɛ Womihi A Ngmami Nɔ: A hyɛɛ Baiblo kasemi womihi a ngmami kɛ asafo ɔ intanɛti ní tsumi he ɔ nɔ. Jehanɛ hu ɔ, a hyɛɛ gbi sisi tsɔɔmi ní tsumi ɔ nɔ.

Ngɛ níhi nɛ Blɔ Tsɔɔmi Ajla Toli ɔmɛ tsuɔ ɔ se ɔ, a kpeeɔ daa otsi nɛ a susuɔ asafo ɔ hiami níhi a he. A susuɔ níhi nɛ Ngmami ɔ de ɔ he ngɛ a kpe ɔ sisi, nɛ a haa nɛ Mawu mumi ɔ yeɔ bua mɛ nɛ a peeɔ kake kɛ mwɔɔ yi mi kpɔ.Bɔfo Ɔmɛ A Ní Tsumi 15:25.

Mɛnɔmɛ nɛ a yeɔ bua Blɔ Tsɔɔmi Ajla Toli ɔmɛ?

A ji nyumuhi anɔkualetsɛmɛ nɛ a fĩɔ Blɔ Tsɔɔmi Ajla Toli ɔmɛ a se. (1 Korinto Bi 4:2) Akɛnɛ a le ní tsumi slɔɔtohi he je ɔ, a nyɛɛ nɛ a yeɔ bua Blɔ Tsɔɔmi Ajla Toli ɔmɛ saminya. Jehanɛ hu ɔ, a yaa kpehi nɛ Blɔ Tsɔɔmi Ajla Toli ɔmɛ peeɔ daa otsi ɔ eko. E ngɛ mi kaa a piɛɛ we he nɛ a mwɔɔ yi mi kpɔ mohu lɛɛ, se a tsɔɔ a juɛmi ngɛ sanehi a he, nɛ a kɛ yi mi kpɔ nɛ Blɔ Tsɔɔmi Ajla Toli ɔmɛ mwɔ ɔ tsuɔ ní, nɛ a hyɛɛ kaa e ngɛ yiblii woe lo. Blɔ Tsɔɔmi Ajla Toli ɔmɛ haa nɛ a ya slaa wa nyɛmimɛ ngɛ je ɔ mi he komɛ. A haa nɛ a tuɔ munyu ngɛ asafo ɔ jeha kpehi a sisi. Jehanɛ hu ɔ, ke Gilead sukuu bi gbe a sukuu ɔ nya a, a haa nɛ a tuɔ munyu kɛ tsɔɔ mɛ.

YEMI KƐ BUALI

Kuuhi

Biɛhi

Sanehi A He Ní Tsumi

  • Ekrann, John

  • Wallen, Robert

 

Betel Ní Tsuli A Nɔ Hyɛmi

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Womi Fiami

  • Adams, Don

  • Butler, Robert

  • Corkern, Harold

  • Gordon, Donald

  • Luccioni, Robert

  • Reinmueller, Alex

  • Sinclair, David

 

Sɔmɔmi Ní Tsumi

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Wallen, Robert

  • Weaver, Leon, Jr.

 

Ní Tsɔɔmi

  • Curzan, Ronald

  • Flodin, Kenneth

  • Malenfant , William

  • Noumair, Mark

  • Schafer, David

 

Womihi A Ngmami

  • Ciranko, Robert

  • Mantz, James

  • Marais, Izak

  • Smalley, Gene

  • Wischuk, John