Dɛbi. Yehowa Odasefohi ji Kristofohi, pi Protestant bi ji wɔ. Mɛni he je?

A tsɔɔ Protestant sisi kaa “jami kuu ko nɛ a teɔ si kɛ woɔ Roman Katoliki jami ɔ.” E ngɛ mi kaa Yehowa Odasefohi kplɛɛ we Katoliki bi a jami ɔ mi tsɔɔmihi a nɔ mohu lɛɛ, se kɛ̃ ɔ, pi Protestant bi ji wɔ ngɛ yi mi tomihi nɛ nyɛɛ se nɛ ɔmɛ a he je:

  1. Protestant bi a jami ɔ mi tsɔɔmihi fuu kɛ Baiblo ɔ kpa we gbi. Kaa nɔ hyɛmi nɔ́ ɔ, Baiblo ɔ tsɔɔ kaa “Mawu kake kɛkɛ lɛ ngɛ,” se pi Triniti. (1 Timoteo 2:5; Yohane 14:28) Baiblo ɔ tsɔɔ mi heii kaa Mawu kpataa yayami peeli a hɛ mi pɛsɛpɛsɛ, se e gbla we a tue ngɛ hɛl la mi.La 37:9; 2 Tesalonika Bi 1:9.

  2. Wa ti si kɛ wui Katoliki jami ɔ loo jami kpahi. Wa fiɛɛɔ Mawu Matsɛ Yemi ɔ he sane kpakpa a, nɛ wa bɔɔ mɔde kaa wa ma ha nɛ nihi nɛ a ná sane kpakpa a mi hemi kɛ yemi. (Mateo 24:14; 28:19, 20) Wa suɔ kaa wa maa tsɔɔ nihi nɛ a hɛɛ tsui kpakpa a Mawu he ní, kɛ Baiblo ɔ mi anɔkuale ɔ, se pi kaa wa maa te si kɛ wo jami kpahi.Kolose Bi 1:9, 10; 2 Timoteo 2:24, 25.