Yaa mi ní ɔ nɔ

Yaa munyuyi tsɔwi ɔmɛ a nɔ

Yehowa Odasefohi

Dangme

Anɛ Yehowa Odasefohi Ji Laami Mi Kuu Ko Lo?

Anɛ Yehowa Odasefohi Ji Laami Mi Kuu Ko Lo?

Dɛbi, Yehowa Odasefohi pi laami mi kuu ko. Mohu ɔ, wa ji Kristofohi nɛ wa nyɛɛɔ Yesu Kristo nɔ hyɛmi nɔ́ ɔ se, nɛ waa kɛ e tsɔɔmihi tsuɔ ní.

Ke a ke laami mi kuu ɔ, mɛni e tsɔɔ?

E slo bɔ nɛ nihi babauu nu munyu nɛ ji, “laami mi kuu” ɔ sisi ha. Se mo susu munyu nɛ ji, laami mi kuu ɔ he sisi numi enyɔ nɛ pɔ he, kɛ bɔ nɛ e kɔ we wa he ha a he nɛ o hyɛ.

  • Ni komɛ susuɔ kaa laami mi kuu ji jami ehe ko. Yehowa Odasefohi tui jami ehe ko sisi. Mohu ɔ, wa jaa Mawu kaa bɔ nɛ kekle Kristofo ɔmɛ pee ɔ. Nɔ hyɛmi níhi nɛ kekle Kristofo ɔmɛ pee kɛ a ní tsɔɔmihi ngɛ Baiblo ɔ mi. (2 Timoteo 3:16, 17) Wa he ye kaa Ngmami Klɔuklɔu ɔ ji nɔ́ nɛ e sa kaa a da nɔ kɛ susu níhi nɛ kɔɔ jami he ɔ he.

  • Adesa nɛ nyɛɛ laami mi kuu ko hɛ mi. Yehowa Odasefohi be adesa ko kaa a hɛ mi nyɛɛlɔ. Mohu ɔ, waa kɛ blɔ tsɔɔmi nɛ Yesu kɛ ha e se nyɛɛli ɔmɛ ngɛ ní tsue. E de ke: ‘Hɛ Mi Nyɛɛlɔ kake pɛ nyɛ ngɛ, nɛ lɛ ji Kristo.’Mateo 23:10.

Yehowa Odasefohi a jami ɔ pi laami mi kuu ko. Odasefo ɔmɛ nitsɛmɛ náa a jami ɔ he se, nɛ ni kpahi hu náa he se. Kaa nɔ hyɛmi nɔ́ ɔ, wa fiɛɛmi ní tsumi ɔ ye bua nihi babauu nɛ a kpa dã demi kɛ tsopa yaya kɛ ní tsumi. Jehanɛ hu, wa yeɔ bua nihi akpehi abɔ ngɛ je kɛ wɛ, nɛ a kaseɔ bɔ nɛ a kaneɔ ní ha, kɛ bɔ nɛ a ngmaa ní ha, nɛ wa yeɔ bua nihi ngɛ oslaa be mi hulɔ. Wa bɔɔ mɔde kaa wa maa pee ní kpakpahi kɛ ha nihi kaa bɔ nɛ Yesu fa e se nyɛɛli ke a pee ɔ.Mateo 5:13-16.