Yaa mi ní ɔ nɔ

Yaa munyuyi tsɔwi ɔmɛ a nɔ

Yehowa Odasefohi

Dangme

Ba Fa Bɔɔ, Gbihi Babauu

Ba Fa Bɔɔ, Gbihi Babauu

Kɛ je January 2013 ɔ, a ma gbɔ ba fa amɛ nɛ ngɛ Awake! Hwɔɔmi Mɔ nɛ a peeɔ ha ma bi ɔ a mi ɔ nɔ kɛ je ba fa 32 kɛ ba ba fa 16.

Akɛnɛ munyuhi nɛ maa hi a Awake! Watchtower mi ɔ nɔ ma gbɔ he je ɔ, gbihi a sisi tsɔɔmi kuuhi ma nyɛ maa tsɔɔ sisi kɛ ya gbihi babauu a mi. Kaa nɔ hyɛmi nɔ́ ɔ, a tsɔɔ December 2012 Awake! ɔ sisi kɛ ya gbihi 84 mi, nɛ a tsɔɔ December 2012 Hwɔɔmi Mɔ ɔ sisi kɛ ya gbihi 195 mi. Se ngɛ January 2013 ɔ, a bɔni Awake! ɔ sisi tsɔɔmi kɛ ya gbihi 98 mi, nɛ a bɔni Hwɔɔmi Mɔ ɔ hu sisi tsɔɔmi kɛ ya gbihi 204 mi.

Se Hwɔɔmi Mɔ nɛ a maa kase ɔ mi munyu ɔmɛ lɛɛ e maa hɛɛ ba fa 32 loloolo.

Ba Fa Bɔɔ​—Níhi Fuu Ngɛ Intanɛti Ní Tsumi He ɔ Nɔ

Tsakemihi nɛ a pee ngɛ wa womi ɔmɛ a ba fa amɛ a he ɔ maa sa wa Intanɛti ní tsumi he nɛ ji, www.jw.org ɔ he ngɛ blɔ enyɔ nɔ.

  1. A maa ngɔ níhi nɛ jinɛ a ngmaa ngɛ wa womi tɛtlɛɛ ɔmɛ a mi ɔ kɛ wo Intanɛti ní tsumi he nɛ ɔ pɛ nɔ. Kaa nɔ hyɛmi nɔ́ ɔ, a maa ngɔ munyuhi kaa, “Kɛ Ha Nihewi Kɛ Yihewi,” “Ye Baiblo Ní Kasemi,” kɛ Gilead Sukuu ɔ nya gbemi he amaniɛ bɔmi nɛ a je kɛ je Hwɔɔmi Mɔ nɛ a pee kɛ ha ma bi ɔ mi, kɛ munyuhi nɛ ji, “Kɛ Ha Weku ɔ He Susumi,” kɛ “Nihewi Kɛ Yihewi Bi Ke” nɛ a je kɛ je Awake! ɔ mi ɔ, kɛ wo Intanɛti ní tsumi he nɛ ɔ pɛ nɔ.

  2. A maa pee Hɔɔmi Mɔ ɔ kɛ Awake! ɔ ngɛ kɔmpiuta blɔ nɔ tomi kpa komɛ hu a mi. Jehahi babauu ji nɛ ɔ, a pee Hwɔɔmi Mɔ ɔ kɛ Awake! ɔ ngɛ kɔmpiuta blɔ nɔ tomi nɛ ji, PDF mi, nɛ a kɛ wo www.jw.org Intanɛti ní tsumi he ɔ nɔ. Amlɔ nɛ ɔ, a maa pee womi tɛtlɛɛ nɛ ɔmɛ ngɛ kɔmpiuta blɔ nɔ tomi nɛ ji, HTML ɔ mi, konɛ e ko ye kɛ ha nihi kaa a maa na nɛ a kane ngɛ a kɔmpiuta loo a mobile phone nɔ. E be ye kulaa kaa o maa na wa womi ɔmɛ ngɛ Intanɛti ní tsumi he ɔ nɔ, ngɛ gbihi nɛ hiɛ pe 400 mi.