Yaa mi ní ɔ nɔ

Yaa munyuyi tsɔwi ɔmɛ a nɔ

Yehowa Odasefohi

Dangme

Anɛ E He Hia Nɛ O Kɛ O He Nɛ Wo Jami Kuu Ko Mi Lo?

Anɛ E He Hia Nɛ O Kɛ O He Nɛ Wo Jami Kuu Ko Mi Lo?

Nɔ́ nɛ Baiblo ɔ de

Ee, Mawu suɔ kaa nihi nɛ a bua a he nya kɛ sɔmɔ lɛ. Baiblo ɔ de ke: “Nyɛ ha waa kɛ hɛdɔ nɛ susu he bɔ nɛ sa, nɛ waa suɔ wa sibi, nɛ waa pee wa sibi kpakpa. Nyɛ ko ha wa jɔɔ wa he nya buami.”​—Hebri Bi 10:24, 25.

Yesu tsɔɔ kaa e kaseli ɔmɛ maa pee kake kaa kuu nɛ a to a he blɔ nya. E de mɛ ke: “Ke nyɛ suɔ nyɛ sibi ɔ, kɛkɛ nɔ tsuaa nɔ maa le kaa ye kaseli ji nyɛ.” (Yohane 13:35) Blɔ nɔ nɛ Kristo kaseli ɔmɛ maa gu kɛ je suɔmi nɛ ɔ kpo ji kaa a kɛ a nyɛmimɛ nɛ a kɛ mɛ hɛɛ hemi kɛ yemi kake ɔ maa pee kake kɛ bua a he nya. A maa to a he blɔ nya kɛ wo asafohi a mi bɔ nɛ pee nɛ a nyɛ nɛ a bua a he nya be tsuaa be kɛ ja Mawu. (1 Korinto Bi 16:19) Nɛ a maa pee nyɛmimɛ ngɛ je kɛ wɛ.​—1 Petro 2:17.

E biɔ babauu pe o he nɛ o kɛ maa wo jami kuu ko mi kɛkɛ

E ngɛ mi kaa Baiblo ɔ tsɔɔ kaa e sa nɛ nihi nɛ a bua a he nya kɛ ja Mawu mohu lɛɛ, se o he nɛ o kɛ maa wo jami kuu ko mi kɛkɛ ɔ pɛ tsɔɔ we kaa o ngɛ Mawu suɔmi nya ní pee. Loko Mawu bua maa jɔ o he ɔ, ja o kɛ níhi nɛ o kaseɔ ngɛ o jami ɔ mi ɔ tsu ní ngɛ o si himi mi. Kaa nɔ hyɛmi nɔ́ ɔ, Baiblo ɔ de ke: “Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.”​—Yakobo 1:27.