Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Mɛnɔmɛ Nɛ A Ngɛ Yehowa Suɔmi Nya Ní Pee Mwɔnɛ ɔ?

Mɛni Ji Mawu Suɔmi Nya Ní?

Mɛni Ji Mawu Suɔmi Nya Ní?

Mawu suɔ kaa waa hi si ngɛ tue mi jɔmi kɛ bua jɔmi mi ngɛ zugba a nɔ kɛ ya neneene!

Se eko ɔ, o ma bi ke, ‘Kɛ enɛ ɔ ma plɛ kɛ ba mi kɛɛ?’ Baiblo ɔ de ke, Mawu Matsɛ Yemi ɔ ma ha nɛ e maa ba mi jã, nɛ Mawu suɔmi nya ní ji kaa nihi tsuo nɛ a kase Matsɛ Yemi nɛ ɔ kɛ Mawu yi mi nɛ e to kɛ ha wɔ ɔ he ní.La 37:11, 29; Yesaya 9:7.

Mawu suɔ kaa e hi ha wɔ.

Kaa bɔ nɛ tsɛ kpakpa suɔ kaa e hi kɛ ha e bimɛ ɔ, wa hiɔwe Tsɛ ɔ hu suɔ kaa wa ná bua jɔmi kɛ ya neneene. (Yesaya 48:17, 18) E wo si kaa “nɔ nɛ peeɔ Mawu suɔmi nya ní ɔ, lɛɛ e ngɛ kɛ yaa neneene.”1 Yohane 2:17.

Mawu suɔ kaa waa nyɛɛ ngɛ e blɔ ɔmɛ a nɔ.

Baiblo ɔ de ke wa Bɔlɔ ɔ suɔ nɛ “e maa tsɔɔ wɔ nɔ́ nɛ e suɔ kaa waa pee,” konɛ waa “pee bɔ nɛ e maa tsɔɔ wɔ ɔ pɛpɛɛpɛ.” (Yesaya 2:2, 3) E ‘hla ni komɛ ngɔ ha e he’ nɛ e to a he blɔ nya konɛ a ha nɛ nihi nɛ a ngɛ zugba a nɔ ɔ nɛ a le e suɔmi nya ní.Bɔfo Ɔmɛ A Ní Tsumi 15:14.

Mawu suɔ nɛ waa pee kake kɛ ja lɛ.

Yehowa jami nɛ he tsɔ ɔ peeɔ nihi kake ngɛ suɔmi nitsɛnitsɛ mi mohu pe nɛ e ma gba a mi. (Yohane 13:35) Mwɔnɛ ɔ, mɛnɔmɛ nɛ a ngɛ nyumuhi kɛ yihi nɛ a ngɛ he tsuaa he ɔ ní tsɔɔe konɛ a pee kake kɛ sɔmɔ Mawu? Wa suɔ nɛ o gu womiyo nɛ ɔ nɔ kɛ hla nihi nɛ a ngɛ jã pee ɔ.