Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Tsɔɔ O Bimɛ Ní

 NÍ KASEMI 12

Paulo Nyɛmiyo Bi Ko Pee Kã

Paulo Nyɛmiyo Bi Ko Pee Kã

Mo ha nɛ waa kase niheyo ko nɛ e he e tsɛngua yi wami ɔ he ní. Niheyo nɛ ɔ tsɛngua ji bɔfo Paulo. Wa li niheyo nɛ ɔ biɛ mohu lɛɛ, se wa le kaa e pee nɔ́ ko kɛ tsɔɔ kaa e ngɛ kã. O suɔ nɛ o maa le nɔ́ nɛ e pee ɔ lo?—

A wo Paulo tsu ngɛ Yerusalem. A nu lɛ ejakaa e ngɛ Yesu he munyu fiɛe. Nimli yayami komɛ sume Paulo sane, lɔɔ he ɔ, a to e he ga yaya. A de ke: ‘Nyɛ ha nɛ wa ya de ta buli a nɔkɔtɔma a nɛ e ha ta buli nɛ a ngɔ Paulo kɛ ba kojomi he ɔ. Wa maa laa ngɛ blɔ ɔ nɔ, nɛ ke Paulo bee ɔ, wa maa gbe lɛ!’

Paulo nyɛmiyo bi ɔ de Paulo kɛ ta buli a nɔkɔtɔma a ga yaya nɛ a to ɔ

Paulo nyɛmiyo bi ɔ nu ga yaya nɛ a to ɔ he. Mɛni e maa pee? E ya he nɛ a wo Paulo tsu ngɛ ɔ nɛ e ya de lɛ. Amlɔ nɔuu ɔ, Paulo de lɛ ke e ya de ta buli ɔmɛ a nɔkɔtɔma a ga yaya nɛ a to ɔ. Anɛ o susu kaa e he be wae ha Paulo nyɛmiyo bi nɛ ɔ kaa e ma ya de ta buli a nɔkɔtɔma a munyu nɛ ɔ lo?— E he maa wa ha lɛ, ejakaa ta buli a nɔkɔtɔma a ji nɔmlɔ ngua. Se kɛ̃ ɔ, Paulo nyɛmiyo bi ɔ pee kã nɛ e ya de ta buli a nɔkɔtɔma a munyu ɔ.

Ta buli a nɔkɔtɔma a le nɔ́ tutuutu nɛ e sa kaa e pee. E hla ta buli nɛ e piɛ bɔɔ nɛ a maa su lafa enuɔ konɛ a po Paulo he piɛ! E de mɛ ke a ngɔ Paulo kɛ ho Kaisarea ya jamɛ a nyɔ ɔ mi nɔuu. Anɛ Paulo yi ná wami lo?— Ee, nimli yayami ɔmɛ a nyɛ we nɛ a pee lɛ nɔ́ ko! Ga yaya nɛ a to ɔ pee yaka.

Mɛni o ma nyɛ maa kase ngɛ munyu nɛ ɔ mi?— Mo hu o ma nyɛ maa pee kã kaa Paulo nyɛmiyo bi nɛ ɔ. E sa nɛ waa pee kã ke wa ngɛ Yehowa he munyu fiɛɛ kɛ tsɔɔ nihi. O maa suɔ kaa o maa pee kã konɛ o ya nɔ nɛ o tu Yehowa he munyu kɛ tsɔɔ nihi lo?— Ke o pee jã a, eko ɔ, o ma he nɔ ko yi wami.