Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Tsɔɔ O Bimɛ Ní

 NÍ KASEMI 7

Anɛ E Peeɔ Mo Kaa O Be Nɔ Ko, Nɛ O Yeɔ Gbeye Lo?

Anɛ E Peeɔ Mo Kaa O Be Nɔ Ko, Nɛ O Yeɔ Gbeye Lo?

Moo hyɛ jokuɛ ɔ ngɛ foni ɔ mi ɔ. E hɛ ngɛ jae nɛ e ngɛ gbeye yee, aloo pi jã? E pee mo jã hyɛ lo?— E peeɔ nɔ tsuaa nɔ jã be komɛ. Baiblo ɔ tu Yehowa huɛmɛ komɛ nɛ e pee mɛ kaa a be nɔ ko nɛ́ a ye gbeye ɔ a he munyu. A kpɛti nɔ kake ji Eliya. Mo ha nɛ waa kase e he ní.

Yezebel ngɛ hlae nɛ e gbe Eliya

Eliya hi Israel jehahi babauu loko a fɔ Yesu. Israel Matsɛ Ahab ja we Yehowa, nɛ ji anɔkuale Mawu ɔ. Ahab kɛ e yo Yezebel jaa lakpa mawu nɛ ji Baal ɔ. Lɔɔ he ɔ, nihi fuu bɔni Baal jami ngɛ Israel. Manyɛ Yezebel yi mi wa, nɛ e ngɛ hlae nɛ e maa gbe nihi tsuo nɛ a jaa Yehowa a. E ngɛ hlae nɛ e maa gbe Eliya hulɔ! O le nɔ́ nɛ Eliya pee lo?—

Eliya tu fo! E ho nga nɔ tsitsaa ya nɛ e ya laa e he ngɛ tɛ puɔ ko mi. O susu kaa mɛni heje nɛ Eliya pee jã a?— Anɔkuale,  Eliya ye gbeye. Se e sɛ nɛ Eliya ko ye gbeye. Mɛni heje? Ejakaa, e le kaa Yehowa ma nyɛ maa ye bua lɛ. Yehowa jé e he wami kpo kɛ tsɔɔ Eliya hyɛ. Be ko ɔ, Eliya sɔle nɛ Yehowa ha nɛ la je hiɔwe kɛ ba. Lɔɔ he ɔ, Yehowa ma nyɛ maa ye bua Eliya ngɛ be nɛ ɔ mi hulɔ!

Yehowa ye bua Eliya ngɛ mɛni blɔ nɔ?

Benɛ Eliya ngɛ tɛ puɔ ɔ mi ɔ, Yehowa kɛ lɛ tu munyu nɛ e bi lɛ ke: ‘Mɛni o ngɛ pee ngɛ hiɛ ɔ?’ Eliya he nɔ ke: ‘Imi nɔ kake too pɛ lɛ i piɛ nɛ i jaa mo. I ngɛ gbeye yee kaa a maa gbe mi.’ Eliya susu kaa a gbe nihi nɛ a jaa Yehowa a tsuo ta. Se Yehowa de lɛ ke: ‘Dɛbi, pi anɔkuale. Nihi 7,000 ngɛ nɛ a ngɛ mi jae. Koo ye gbeye. I ngɛ nítsumi fuu kɛ ha mo nɛ o ma tsu!’ O susu kaa Eliya bua jɔ nɔ́ nɛ a de lɛ nɛ ɔ he lo?—

Mɛni o ma nyɛ maa kase ngɛ Eliya he sane ɔ mi?— E sɛ nɛ o ye gbeye nɛ o susu kaa nɔ ko be nɛ maa ye kɛ bua mo. O ngɛ huɛmɛ nɛ a suɔ Yehowa nɛ a suɔ mo hulɔ. Jehanɛ hu ɔ, Yehowa ngɛ he wami, nɛ e maa ye bua mo be tsuaa be! O bua jɔɛ kaa nihi ngɛ nɛ a maa ye bua mo lo?—

KANE NGƐ O BAIBLO Ɔ MI