Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Sane Kpakpa Nɛ Je Mawu Ngɔ!

 NÍ KASEMI 15

Mɛni He Je Nɛ E Sa Kaa O Ya Nɔ Nɛ O Kase Yehowa He Ní ɔ?

Mɛni He Je Nɛ E Sa Kaa O Ya Nɔ Nɛ O Kase Yehowa He Ní ɔ?

1. Mɛni blɔ nɔ nɛ o ma ná Baiblo ɔ nɛ o maa ya nɔ maa kase ɔ he se ngɛ?

Atsinyɛ jemi ko be he kaa, Baiblo ɔ mi sisije tsɔɔmi nɛ ɔmɛ ha nɛ suɔmi nɛ o ngɛ kɛ ha Yehowa a mi ba wa. E sa kaa o ya nɔ nɛ o kase e he ní konɛ suɔmi nɛ o ngɛ kɛ ha lɛ ɔ mi nɛ wa daa. (1 Petro 2:2) Hɛ kɛ nɔ fɔmi nɛ o ngɛ kaa o ma ná neneene wami ɔ daa si ngɛ Mawu Munyu ɔ nɛ o maa kase nɛ o maa hɛ mo kɛ su e he ɔ nɔ.Kane Yohane 17:3; Yuda 21.

Ke Mawu he nile nɛ o ngɛ ɔ ya hɛ mi ɔ, o hemi kɛ yemi ɔ mi maa wa. Hemi kɛ yemi maa ye bua mo konɛ o sa Mawu hɛ mi. (Hebri Bi 11:1, 6) E maa ye bua mo nɛ o tsake o tsui konɛ o pee tsakemihi nɛ a he hia ngɛ o si himi mi.Kane Bɔfo Ɔmɛ A Ní Tsumi 3:19.

2. Mɛni blɔ nɔ Mawu he nile nɛ o ná a he maa ba se nami kɛ ha ni kpahi ngɛ?

O ma nyɛ nɛ o kɛ Yehowa nɛ ná huɛ bɔmi klɛdɛɛ

Ngɛ anɔkuale mi ɔ, o maa suɔ kaa o de ni kpahi níhi nɛ o kase ɔ, ejakaa wɔ tsuo wa bua jɔ he kaa wa maa sɛɛ sane kpakpa kɛ ha nihi. Ke o ya nɔ nɛ o kase Baiblo ɔ, o maa le bɔ nɛ o kɛ Baiblo ɔ ma tsu ní ha kɛ tsɔɔ hemi kɛ yemi nɛ o ngɛ ngɛ Yehowa kɛ sane kpakpa a mi ɔ nya.Kane Roma Bi 10:13-15.

Nihi fuu jeɔ sisi nɛ a fiɛɛɔ kɛ haa a huɛmɛ kɛ a weku li. O kɛ ga nɛ tsu ní. Ko de mɛ ke a jami ɔ hí, mohu ɔ, o kɛ mɛ nɛ sɛɛ Mawu si womi ɔmɛ a he ní. Jehanɛ hu ɔ, mo kai kaa nihi a bua maa jɔ su kpakpa nɛ o ma je kpo ɔ he pe nɔ́ nɛ o ma de mɛ.Kane 2 Timoteo 2:24, 25.

3. Mɛni huɛ bɔmi nɛ ma nyɛ maa hi o kɛ Mawu nyɛ kpɛti?

Mawu Munyu ɔ nɛ o maa kase ɔ maa ye bua mo konɛ o nane nɛ pi si ngɛ Mawu jami mi. Nyagbenyagbe ɔ, o ma nyɛ nɛ o kɛ Yehowa nɛ ná huɛ bɔmi klɛdɛɛ. O ma nyɛ maa piɛɛ e weku ɔ he nɛ o pee e nɔ́.Kane 2 Korinto Bi 6:18.

 4. Kɛ o maa pee kɛɛ nɛ o ya o hɛ mi?

Ke o ya nɔ nɛ o kase Mawu Munyu ɔ, o maa ya hɛ mi ngɛ Mawu jami mi. (Hebri Bi 5:13, 14) Mo de Yehowa Odasefo no ko nɛ e ba ha mo womi nɛ ji Mɛni Baiblo ɔ Ma Nyɛ Maa Tsɔɔ Wɔ? ɔ eko nɛ́ e kɛ mo nɛ ba kase Baiblo ɔ. Ke o ya nɔ nɛ o kase Mawu Munyu ɔ, e maa ye bua mo konɛ o ná si himi kpakpa.Kane La 1:1-3; 73:27, 28.

Sane kpakpa a je Yehowa nɛ ji Mawu nɛ ngɛ bua jɔmi ɔ ngɔ. O ma nyɛ maa hɛ mo kɛ su e he kɛ gu e we bi nɛ o kɛ mɛ maa bɔ ɔ nɔ. (Hebri Bi 10:24, 25) Ke o bɔ mɔde nɛ o ya nɔ nɛ o pee níhi nɛ sa Yehowa hɛ mi ɔ, o ma ná wami nitsɛnitsɛ nɛ ji neneene wami ɔ. Ngɛ anɔkuale mi ɔ, nɔ́ nɛ hi pe kulaa nɛ o ma nyɛ maa pee ji kaa o maa hɛ mo kɛ su Mawu he.Kane 1 Timoteo 1:11, NW; 6:19.