Yaa mi ní ɔ nɔ

Yaa e mi ní ɔ mi

Yehowa Odasefohi

Moo hla gbi Dangme

 SANE BIMI 6

Mɛni Baiblo ɔ Gba Kɛ Kɔ Mesia a He?

Mɛni Baiblo ɔ Gba Kɛ Kɔ Mesia a He?

GBAMI

“Mo Betlehem Efrata, . . . ma ha nɔ ko maa je o mi ba ye matsɛ ngɛ Israel ma a tsuo nɔ.”

Mika 5:2

E MI BAMI

“Benɛ a fɔ Yesu ngɛ Betlehem nɛ ngɛ Yudea, ngɛ Matsɛ Herode yi nɔ ɔ, ní leli komɛ je beleku kɛ ba Yerusalem.”

Mateo 2:1

GBAMI

“A dla ye tade ɔmɛ ngɔ ha a he, nɛ ye bo ɔ lɛɛ a fɔ nɔ sɔ.”

La 22:18

E MI BAMI

“Benɛ ta buli ɔmɛ sɛu Yesu se ɔ, a ngɔ e tade ɔmɛ, nɛ a dla mi eywiɛ . . . se tade klɔii ɔ lɛɛ a lo kɛ je hiɔwe ba ma si, nɛ e be tsami he. Lɔ ɔ he ɔ, ta buli ɔmɛ de a he ke, ‘Wa ko gba enɛ ɔ; mohu nyɛ ha waa fɔ̃ nɔ sɔ, konɛ waa na nɔ nɛ nɔ́ nɛ e maa pee.’”

Yohane 19:23, 24

 GBAMI

‘Yehowa hyɛɛ e nɔ saminya; e wu kake ngmelu po ku we ngɛ e wu ɔmɛ tsuo a kpɛti.’

La 34:20

E MI BAMI

“Se benɛ a su Yesu nɔ ɔ, a na kaa e gbo momo, lɔ ɔ he ɔ, a ku we e nane.”

Yohane 19:33

GBAMI

“A plaa lɛ ngɛ wa yayami ɔmɛ a he.”

Yesaya 53:5

E MI BAMI

“Ta buli ɔmɛ a ti nɔ kake kɛ e we akplɔ ɔ gbɔ Yesu kasa mi; nɛ amlɔ ɔ, muɔ kɛ nyu je mi kɛ be.”

Yohane 19:34

GBAMI

“Kɛkɛ nɛ a ngmɛ sika hiɔ yi nyingmi etɛ, nɛ a kɛ wo mi hiɔ.”

Zakaria 11:12, 13

E MI BAMI

“Kɛkɛ nɛ kaseli nyɔngma kɛ enyɔ ɔmɛ a kpɛti nɔ kake nɛ a tsɛɛ lɛ Yuda Iskariot ɔ pue nɔ kɛ ho osɔfo nikɔtɔma amɛ a ngɔ ya, nɛ e ya de mɛ ke, ‘Ke i je Yesu ngɔ wo nyɛ dɛ mi ɔ, mɛni nyɛ ma ha mi?’ A kane sika hiɔ yi nyingmi etɛ ngɔ ha lɛ.”

Mateo 26:14, 15; 27:5